اثر الرياض انورت بك وأسفهلت.....

[وليد بن مسعد]

مدخل....

لا تلحقين الهواووي جرح وعتاب...
يكفي دموعي وانا رجال هلت....

جيتي وسقت البشاير فرح وارقاب..
اثر الرياض انورت بك واسفهلت..

ماعاد لي غيرك من الناس احباب...
وش بقت ايامي الغبرا وخلت..

انا وحزني وشعري شلة اغراب
وين الوطن دام الاحلام اضمحلت..

حبك عقيده وهجرك مثل محراب
وطعونك الخضر امت بي وصلت....

يا هاجره ما بقى لي ربع واصحاب
وابشرك ما بقت دمعه ما هلت...

مدري وش اسلك معك مدري وش اسهل لي..
وصلك صعب.. وانتضارك شوق واماني...

تدري وش اللي حصل من غبت ياخلي
صرت أشكي احزاني الغبرا على احزاني...

رميتـني بين الاوهـام وعـذولن لي
مـدري من الاول القـاها..! أو الـثانـي...!

اشعلت فيني فراغ اجتاحني كلي
ويني بعد غيبتك..؟ عجزت لا القاني..!

احيانا الصمت يجبر وحدتي ياللي
تجرح وتجرح واعديها على شاني...

ما جيت من منطلق بعدك انا من لي
ابشّرك واجد احبابي وخلاني...

كلي وفاء وانت فسر غيبتك قلي
تعبت اسهّر عيوني واتعب اجفاني..

من كثر ماذقت هجرك وانت فاطن لي
الصبر ابشرك عديته من اخواني...

ان كان تبغى تميّلني على ذلي..
ما تطيح دمعه ولا يهتز وجداني...

اقول مدام هجرك طال ياعلّي
ما تنكسر عزتي فــ عيون عدواني...

مخرج..

ياحبيبي كتبتك للجفا واستحى
ياحبيبي سهرتك واعبرت دمعتين..

انت حلمن عجز عنه الزمان وصحى
انت دربن يسرّيني ولا ادري لووين..

كل ماناحت اشواق المحبه ضحى
عاشت بداخلي ذكرى وحزن وحنين..