أمشي وتمشي غرابيل الليالي معاي

[عبدالله سماح المجلاد]

إلى كل الأحبه في أبعاد والجميع للقلب أحبّه وقديرين جداً أسأل الله لنا ولكم صياماَ مقبولاً وذنباً مغفورا وعتقاً من الناّر(اليوح شعراً للقائد الحربي وللمطر نواف التركي وللنقاء أختي جمان)[poem=font="traditional arabic,7,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

إلى زِمَى الشوق في صدري وفاض الحنين=سيّرت لك خطوة اقدامي بِسِكَّة ظماي

في بِرْحِةٍ موحشه ما مرّها العابرين= وَلاَ نِبَتْ في ثراها غير شوكة عناي

أسير فيها وانا اجهل موضع خطاي وين=وامشي وتمشي غرابيل الليالي معاي

أروح وارجع من المشوار (صفر اليدين)=لاَ الما لِقِيْته:وَلاَ حَصّلْت طفلة غلاي

هذي هي الحال بَعْدِكْ من ثلاثة سنين=كنّي عمى في غيا بك وانكرتني عصاي

كِرِهْت ممشى الْقِدَم في سكة التايهين=وتِعِبْت أعلّق على حبل الأماني رجاي

وانتي سبب كل ضيق وكل جرحٍ دفين=تَرَكْتِي الجرح في روحي وَاخَذْتي دُواي

غِبْتِيْ :وَلاَ يَومْ فَكّرْتِي عَلَيْ تسألين=حتى اصبح الهاجس فراشي وحزني غَطَاي

يا للي رميتي على جسم الغلا جمرتين=وِحْدَه بِكَفّي والاخرى حَدّرّت في حَشَاي

مِنْ كُثْر حزني عليك:أبكيت من غير:عين=الأرض ولاّ المِزِن دمعه هَطَل من سماي

ما قول غير الله يردّك عليّ وتجين=وإن مَا لَحَقْتِي عَلَيّه حَيّ : خوذي عزاي

ولَوّ الأما ني تحقّق قلت ليت الجبين=يكون قبري مثل ما كان سِبَة بلاي

حبيبتي في ختام الهرج لي حاجتين =لا تِنْكِرِيْني وَلاَ تنسى غصونك هواي

ولاّ فُرَاقِك شقى عمر وعسى الله يعين=بَطَوّل اشرب مراراته بكاسة شقاي

[/poem]