شـــمـــعـــدان !

[محمد السالم]

[POEM="font="Simplified Arabic,5,chocolate,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


يا صاحبي لملم اشيأك وخنا نقوم = بنغير الجو ذا ؛ ان ماتركنا المكان

علوم بعض الاماكن والله انها علوم = يضيع فيها مداك وتفتقد لتّزان

تُحاول إنك تفلت من قديم الهموم = لكن بعض الاماكن غارة يا فلان

كُل الاماكن بكوم ؛ وذا مكانٍ بكوم = هذا علومه علومٍ يالله المُستعان

اثر الحزن لو تباطا ؛ عاد وثره يدوم ! = وأنا احسب اني نسيت السالفة من زمان

من بارحتنا خيالي فيه ذكرىٍ تحوم = اسرارها موجعة ونفاسها احتقان

تشط بي ذاكرة ماهي تعرف السلوم = تصب لي كاسها وتقول اشرب كمان

آحيه من شوحها كنها عمود السموم = كنها تأشر عليّ بعيونها والبنان

رعديد منها خفوقي فاقد للعزوم = اقول له اصطلب ؛ ويقول ياخي جبان

يا صاحبي ايش ننطر ياعشير القروم = ارجوك تنهض تراني مخطر بالجنان

لا تقول مثل المثل " تضيق عند الرخوم " = ياخوي راعي المثل ذا ؛ عايش في امان

ماتشوفني يا خويي ضايق بالهدوم ؟ = هدوم ستري فتيلة ؛ والجسد شمعدان ![/POEM]

 

[خالد صالح الحربي]

:
نصٌّ جميل في مُجملِه للغاية ..
وفي البيت الأخير _ تحديداً _ ، صورةٌ أكثر من مُدهِشة ..
تجعلك تتوقّف للتخيّل والتّمَاهي معها وَ بِهَا ..
إلى أن تنتبه وتجد أنّك أنت من يَحْتَرِِق !
_ ألف شُكر لَكَ عليك .. يامحمد _

 

[محمد السالم]

شرفني مرورك يابوصالح وأطرأئك


وسام كبير كبير جدا اعلقه على صدري


فلك مني جزيل الشكر والعرفان ايها الشهم البهي

 

[فرج عبدالهادي]

بسم الله الرحمن الرحيم

اخوي محمد السالم


السلام عليكم ورحمة الله وبركاته


هنا الكيف والمزيج المفعم بالشعر والفكر

انت تنتهي ويبدى غيرك بالتفكير بما سبقتهم به بفكرك وقصيدك


ابدعت

 

[فهد مفلح]

الله عليك

متابع لك وين ماتكون
صح الله لسانك

لاهنت يامبدع

 

[العـنود ناصر بن حميد]

لا تقول مثل المثل " تضيق عند الرخوم "
ياخوي راعي المثل ذا ؛ عايش في امان

**
ماتشوفني يا خويي ضايق بالهدوم ؟
هدوم ستري فتيلة ؛ والجسد شمعدان !


الله عليك

محمد السالم هذا النص
به من النور الكثير

صح قلبك
ودمت بخير

 

[عبدالعزيز رشيد]

اخي \ محمّد السالم
هنا بالذات اجدك اجمل واجمل واكثر ابهارا للأذهان
حرّكت العديد من الاشياء الجامدة ومنحتها حياة بالمعاني التي رسمتها
بساطة التصوير مع ابتكاره جمال واكثر
ألف تحيّة لك

 

[نواف التركي]

محمد السالم


نص جميل

وقفلته بصوره رائعه وبارعه

صح قلبك