شـــمـــعـــدان !
 

[POEM="font="Simplified Arabic,5,chocolate,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


يا صاحبي لملم اشيأك وخنا نقوم = بنغير الجو ذا ؛ ان ماتركنا المكان

علوم بعض الاماكن والله انها علوم = يضيع فيها مداك وتفتقد لتّزان

تُحاول إنك تفلت من قديم الهموم = لكن بعض الاماكن غارة يا فلان

كُل الاماكن بكوم ؛ وذا مكانٍ بكوم = هذا علومه علومٍ يالله المُستعان

اثر الحزن لو تباطا ؛ عاد وثره يدوم ! = وأنا احسب اني نسيت السالفة من زمان

من بارحتنا خيالي فيه ذكرىٍ تحوم = اسرارها موجعة ونفاسها احتقان

تشط بي ذاكرة ماهي تعرف السلوم = تصب لي كاسها وتقول اشرب كمان

آحيه من شوحها كنها عمود السموم = كنها تأشر عليّ بعيونها والبنان

رعديد منها خفوقي فاقد للعزوم = اقول له اصطلب ؛ ويقول ياخي جبان

يا صاحبي ايش ننطر ياعشير القروم = ارجوك تنهض تراني مخطر بالجنان

لا تقول مثل المثل " تضيق عند الرخوم " = ياخوي راعي المثل ذا ؛ عايش في امان

ماتشوفني يا خويي ضايق بالهدوم ؟ = هدوم ستري فتيلة ؛ والجسد شمعدان ![/POEM]

شرفني مرورك يابوصالح وأطرأئك


وسام كبير كبير جدا اعلقه على صدري


فلك مني جزيل الشكر والعرفان ايها الشهم البهي

بسم الله الرحمن الرحيم

اخوي محمد السالم


السلام عليكم ورحمة الله وبركاته


هنا الكيف والمزيج المفعم بالشعر والفكر

انت تنتهي ويبدى غيرك بالتفكير بما سبقتهم به بفكرك وقصيدك


ابدعت

الله عليك

متابع لك وين ماتكون
صح الله لسانك

لاهنت يامبدع

اخي \ محمّد السالم
هنا بالذات اجدك اجمل واجمل واكثر ابهارا للأذهان
حرّكت العديد من الاشياء الجامدة ومنحتها حياة بالمعاني التي رسمتها
بساطة التصوير مع ابتكاره جمال واكثر
ألف تحيّة لك

محمد السالم


نص جميل

وقفلته بصوره رائعه وبارعه

صح قلبك