فية عصر

[نهار بن ممدوح]

كل عام وانتم بخير

ومبروك عليكم شهر رمضان المبارك

[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا الله ياللي تعلم السر الدفين=اللي يتصدّد منْه حتى قايله

يا رب تهديني وبالحبل المتين=جوّد إيديني عن سموم القايله

وتعيذني من عرضه ابليس اللعين=اللي لخلقك ناصبٍ حبايله

وإنك توفقني ولأحوالي تعين=أنت الذي لا ضقت قمت أخايله

لا ضاعت الحيله عليّه يا معين=ما غيرك أحد بالوجود أسايله

مالي غنى عنّك وضعفي مستكين=وإنت الجدير اللي يبث شكاي له

مرات أحس إني بهالدينا حزين=ويضيق صدري لين أصبّ بكاي له

وتاخذني الذكرى ونسمات الحنين=للي غدت دنياه في رحايله

أبوي وأصحابي وكل المسلمين=ومن كان قبره صفّقت نثايله

هنا عرفت إن الأجل لازم يحين=وإن البقى للي علي فضايله

ولو هي تدوم إن كان دامت للذهين=اللي يمرر بالخفى عمايله

لكنها فيّة عصر للمبصرين =اللي لهم بالعلم قوه هايله

والهقوه اللّي ما يلقّحها الفطين =تبقى على طول المسافة حايله

حاولت أزينها وعيّت لا تزين=والوقت عمره ما يعدل المايله

والصاحب اللي لا بغيته ما يبين=وليا زهمته قافلٍ موبايله

هذاك خله لا يسار ولا يمين=وكبّه إذا إنك للشدايد شايله

ويالعبد مالك غير صوم وركعتين=وإلا ترى الدنيا حياةٍ زايله

ومالك عن اللي منكتب لك بالجبين=واللي مهو مكتوب منت بنايله

والعمر رحله والمسافات السنين=والعبد موته لو يعمّر جايله

مير اعبد الله لين يأتيك اليقين=وشيٍ مهو مكتوب منت بطايله[/poem]

شعر/ نهار بن ممدوح

 

[نوف سعود]

مـيـر اعـبـد الله لـيـن يأتـيـــــــك اليـقـيـن
وشــيٍ مـهـو مكـتـوب مـنـت بطـايـلـه
.
.
لله درك ..
صح بوحك وطآب حرفك الأخ القدير / نهار بن ممدوح ..
تشرفنآ بالمصافحة الأولى للمنظومة الفآخرة ..
تقديري وأمتناني وتحيه ..
بوركت ..

 

[عون القحطاني]

ياسلام يانهار

استمتعت بهذا النص الجزل .. حضور معطر بذكر الله
كريم بهذا التواجد المبهج

طرقك مميز ومناسب لماذكرت .. قافيه العجز اضفت على النص بُعداً اخر
وافر الشكر

 

[عبدالناصر الأسلمي]

جميلة هذه الفلسفة الراقية
وبهية البوح
تحياتي اليك اخي ممدوح

 

[عبدالله السعيدي]

يا سلام يا نهار ــ

نص خارج السرب ـــ

يغرد ــ لـكي نحلق بك بـ سماء الشعر ــ

صح كلك ــ يانقي ــ

 

[عبدالإله المالك]

والعمر رحله والمسافات السنيـن
والعبد موتـه لـو يعمّـر جايلـه
مير اعبد الله لين يأتيـك اليقيـن
وشيٍ مهو مكتوب منـت بطايلـه


لو لم يكن من هذه القصيدة سوى هذين البيتين لكفاها وكفانا ..

نهار بن ممدوح ..

حُيْيّت َ شعراً

 

[ميــرال]

نهار
لهذا النور الحرف الشكر
نص قريب من الروح جداً
كل التقدير

 

[خالد العلي]

المشاركة الأصلية كتبت بواسطة نهار بن ممدوح

كل عام وانتم بخير

ومبروك عليكم شهر رمضان المبارك

[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

والهقوه اللّي ما يلقّحها الفطين =تبقى على طول المسافة حايله

حاولت أزينها وعيّت لا تزين=والوقت عمره ما يعدل المايله

والصاحب اللي لا بغيته ما يبين=وليا زهمته قافلٍ موبايله

هذاك خله لا يسار ولا يمين=وكبّه إذا إنك للشدايد شايله

ويالعبد مالك غير صوم وركعتين=وإلا ترى الدنيا حياةٍ زايله

ومالك عن اللي منكتب لك بالجبين=واللي مهو مكتوب منت بنايله

والعمر رحله والمسافات السنين=والعبد موته لو يعمّر جايله

مير اعبد الله لين يأتيك اليقين=وشيٍ مهو مكتوب منت بطايله[/poem]

.
.

روحانية تتلهف لها المهج !

والأبيات التي في الأعلى تأتينا بصوت الصحْوة والتنبّه !
جميل أنت في كل حالة شعرية تكتبها لنقرأ ونحن مدركين عمق الكثير مما كتبت
أبعد الله عنك أهل النوايا السيئة .
وصح قلبك وفكرك

كل عام وانت بخير يانهار

*