خبزة امي واستكانة الـ تشاي وطاسة الروب

[عبدالناصر الأسلمي]

دخلت البيت قبل شوي جاي من البر
ومتلهف على خبزة امي بس كنت متخوف انها ما راح تخبز اليوم
لانها بالفترة الاخيرة ما قامت تخبز كل يوم وصارت كل جمعة بس
عشان اخواني وخواتي يجتمعون بالبيت الكبير كل جمعة
وفرحت من كل قلبي لما شفتها واقفة قبال التنور ومفسرة عن ايدينها
وتخبز لنا اروع خبز اكلته بحياتي.
وهذي حكاية الخبزة واستكانة التشاي
وطاسة الروب اللي عمري ما اكلت مثلها وبطعامتها ولذتها.
وكله من صنع ايد امي "اروح لها فدوة".

اول شي تقرص العجين

وبعدين بالملزاقة تحطه داخل التنور

وينضج وحدة ورا وحدة

حال وحال

ورحت لحالي اتغدى اروع غدا
خبزة امي واستكانة تشاي وطاسة روب

 

[الهنوف الخالدي]

منْ فيّنا لا يرغبُ في هذا الرغيفْ . الطمأنية . الخلقةُ الأولى
* أصابعُ الجنّه
بالأمانه : قبل عنيّ رأس أمُكْ .

 

[عبدالناصر الأسلمي]

المشاركة الأصلية كتبت بواسطة تشيّارا

منْ فيّنا لا يرغبُ في هذا الرغيفْ . الطمأنية . الخلقةُ الأولى
* أصابعُ الجنّه
بالأمانه : قبل عنيّ رأس أمُكْ .

اهلا بك : تشيارا "
افرحني هطولك هنا
وفعلا كما قلت " اصابع الجنة "
وقد قبلت رأس الوالدة وتبلغك التحايا
شكرا لك

 

[سعد المغري]

..

أخ

..



.

 

[عبدالناصر الأسلمي]

المشاركة الأصلية كتبت بواسطة سعد المغري

..

أخ

..

.

ياهلا يالمغري
وسلامتك ياخوي
ومشكور ع المرور،،،سعدت به

 

[محمد الغشام]

,

,

الله ياعبدالناصر
مافيه مثل خبزة التنور من يدين الوالده الله يحفظ لك الوالده ووالدتنا

بقولك شي
الدقه الزرقاء للأستكانه والروب الخاثر
والـ جاي

أفضل وجبه وخصوصاً لاصار فيه سمن بعد

علّه عوافي يارب

على فكره ترى اخوك يعرف يخبز

اخوك محمد الغشام الأسلمي


عاطر التحايا

 

[عبدالناصر الأسلمي]

المشاركة الأصلية كتبت بواسطة محمد الغشام

,

,

الله ياعبدالناصر
مافيه مثل خبزة التنور من يدين الوالده الله يحفظ لك الوالده ووالدتنا

بقولك شي
الدقه الزرقاء للأستكانه والروب الخاثر
والـ جاي

أفضل وجبه وخصوصاً لاصار فيه سمن بعد

علّه عوافي يارب

على فكره ترى اخوك يعرف يخبز

اخوك محمد الغشام الأسلمي


عاطر التحايا

الف هلا ورحب حياك الله يابن العم
والف شكر لك ع الدعوة الجميلة " افرحتني "
واي والله مثل ما قلت عن التشاي والخبز والسمن" دهن الحر "
وانا فعلا مرات اخبز مع امي خاصة برمضان
اقضي الوقت اتسلى معها
وتسلم على حضورك اللي افرحني
وانا امي خوالها الغشام بس مادري انت من غشام المنيع والا المسعود
وبكلا الحالين والنعم فيك وفيهم

 

[محمد الغشام]

المشاركة الأصلية كتبت بواسطة عبدالناصر الأسلمي

الف هلا ورحب حياك الله يابن العم
والف شكر لك ع الدعوة الجميلة " افرحتني "
واي والله مثل ما قلت عن التشاي والخبز والسمن" دهن الحر "
وانا فعلا مرات اخبز مع امي خاصة برمضان
اقضي الوقت اتسلى معها
وتسلم على حضورك اللي افرحني
وانا امي خوالها الغشام بس مادري انت من غشام المنيع والا المسعود
وبكلا الحالين والنعم فيك وفيهم

هلابك يالغالي ماعليك زود
اخوك من المنيع من الكامل .. والمساعيد احبابنا ..
لي ختّه ان شاء الله للكويت ولازم تعزمنا على خبزة تنور وروب خاثر


عاطر التحايا