كذاب من قايل الطيب على ذكره .. ( همسه لقلوبكم ) ..

[محمد الصواغ]

السلام عليكم ورحمة الله وبركاته
بعد انقطاع .. أعود لكم بمتواضعه للتواصل آملا ً ان تهمس لقلوبكم لتتقبلها

[poem=font="simplified arabic,4,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
كذاب من قايل ( الطيّب على ذكره )=ياآآ كثر ما أسولف وما شافتك عيني !
ياكثر ما قلت يمكنه يجي بكره=وإلا الحقيقه , أهو وينه وانا ويني
الهم طير ٍ كفخ وبداخلي وكره=وإن طار يرجع عليّ وما يخليني
صحيح من قال حتى البعد له سكره=تضيق الأرواح وتضيق الشراييني
رضيت بالبعد مثل المجبر المكره=عزيز لو كانت ظروفي تعنيني
لا قلت أبنساه ,, جاني شي وأفتكره !=وإن جيت أبتلاحقه ماعاد يمديني
وأحن حنة خلوج ٍ فاقده بكره=وأهز راسي قهر , وأقلّب إيديني
وأقول لو كان ( كل طيّب على ذكره)=سولفت عنه إلين أشوفه بعيني[/poem]

وسلامتكم ,,,

 

[جُمان]

مابين الشطرين بَحرٌ شَاسع وحرفٌ ماتِع وإحساسٌ كثيف
والغَوصُ معهُ بِتمام النبض تَرفٌ يا محمد

شُكراً كثيراً

 

[ظافر الهرمسي الهاجري]

محمد

رحيق الحروف هنا ، لا تمله ألسنة المعتادة على تكرار الجميل

نصك ... تفخر به الألسنة وتعيد تكرارة كثيرا ً

والأمثلة الرائعة تتجلى هنا :

الهم طيـر ٍ كفـخ وبداخلـي وكـره

:
:

صحيح من قال حتى البعد لـه سكـره

:
:

وأحـن حنـة خلـوج ٍ فاقـده بكـره

صح الله ألسانك يا الصواغ وعلا شآنك

لا هنت على الوافية الجزلة

تقبل تحياتي

 

[وديع الأحمدي]

الصوّاغ محمد ,
يفيض الشعور من جنبات هذا النص ,
بكل ما به من إحساس صادق , و وصف عذب ,
أحييت داخلي بهذه العذوبة ,
روح التركي متعب وهو يردد قديما :

لو كل غالي يجي دايم على ذكره
ما صرت أشوفك هناك و حبّك هنيّا

دمت ألقا ,

تحاياي

 

[محمد الصواغ]

المشاركة الأصلية كتبت بواسطة جُمان

مابين الشطرين بَحرٌ شَاسع وحرفٌ ماتِع وإحساسٌ كثيف
والغَوصُ معهُ بِتمام النبض تَرفٌ يا محمد

شُكراً كثيراً

اختي جُمان

اشكر مرورك العزيز .. واشكرك على إطرائاتك
تحياتي لكي , , ,

 

[أكرم التلاوي]

محمد الصواغ

وتعلم جيدا ً كيف تصوغ من الشعر عقدا ً براقا ً جميلا
نص ماتع جدا ً

لك ودي وتقديري

 

[محمد الصواغ]

المشاركة الأصلية كتبت بواسطة ظافر الهرمسي الهاجري

محمد

رحيق الحروف هنا ، لا تمله ألسنة المعتادة على تكرار الجميل

نصك ... تفخر به الألسنة وتعيد تكرارة كثيرا ً

والأمثلة الرائعة تتجلى هنا :

الهم طيـر ٍ كفـخ وبداخلـي وكـره

:
:

صحيح من قال حتى البعد لـه سكـره

:
:

وأحـن حنـة خلـوج ٍ فاقـده بكـره

صح الله ألسانك يا الصواغ وعلا شآنك

لا هنت على الوافية الجزلة

تقبل تحياتي

ظافر الهاجري

الله والنبي يحييك طال عمرك

وإطرائات تشرفت بها وتزيدني تألق وإعتزاز
الرائع هو حضورك الراقي
..........
صح بدنك طال عمرك .. ولا انت يالغالي

تحياتي لك , , ,

 

[فاطمة ناصر]

وأقول لو كان ( كل طيّب على ذكـره)
سولفت عنـه إليـن أشوفـه بعينـي

~ مساء ال
ممتلئ يا محمد بالعفويه والجمال" ~ ..!