[وليد بن مسعد]

قل للمواعيد وجروح الجفا والعتب
البارحه ماتت احلامي ولازلت حي ...

انا رضيت السكوت اللي يساوي ذهب
مدام يــدي بـ نار و يد مثلك بــ مي ...!

خل المساء للجروح القاسيه والتعب
انا دموعي حكت في غيبتك كل شي ..؟

ايه ما اخفي عليك البارح ضنوني
امتلتني هموم وضيقه وحسره ..!

صدتك ذيك والاوهام و وطعوني
تبـتديني دموع وتنتهي زفره ..؟

كيف يهنى منامي واغمض جفوني
كيف ابين سبايب غيبتك واشره ..!

اختلف كل ما بي .. ناظر لــ لوني
صمتي اوهام واحلام اللقا سكره ..

انت فلـيت حزني وانـتثر دونـي
انـت هـيضت جرح ولوعه وعـبره ..

الامل والـفرح مـن غـبت خـلوني
للاسـف خافقي ما عـاد به قدره ..!

اذكر اني ضحكت لكلمة شلوني
ااه يا حالي القـاسي ويـا صبـره ..!

خل عنك الجروح ودمعة عيوني
انـت صديت وانـا بـنتظر بـكره ..!

انت بالله قلي وش اسوي معك
ما انت راضي تبطل هالغياب وتعود

امنعك ..! هو بقى من شي فيه امنعك
اتركك ..! والدروب اللي تمناك سوود

تنتثر وانكسر لك منتشي واجمعك
اضرب الجرح بالعزه وصبر الحدود

كل ما جيت عينن ودها تشبعك
رحت ما كن به دمعه ورجل ووعود