[عبدالله سماح المجلاد]

عوده لمن نحبهم ويبادلونا الحب بمثله في موقع الحب النقي أبعاد أدبيه وخاصه حبيبي واخي الشمالي النحيل عمري الرحيّل
[poem=font="simplified arabic,7,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
نعم فرقاك غلطه بس ماعندي لهـا تصحيـح=غَدَرْنِيْ فيك وقتي والزمن من عَادِتـه غـدّار
حَكَتْ يِمْنَاك ساعة لوّحت لي كفّها تلويـح= تسولف عن غيابك ،والفراق ،وأخر المشـوار
غيابك عاصفه بعثر بها الأوراق ظلـم الريـح= بٍكَتْ مِنْه الغصون وكل بلبل ودّع الاشجـار
عصف فيّ الزمان وزادني ظلم القدر تجريـح=وأحاسيسي تِشَرِدْهَا الظروف ولعنة الأقـدار
وانا لوغاب غيرك عن عيوني قلت له بقريح=رِجَعْ أو مَا رِجَعْ لاَ نَاشِدٍ عنّه ولاَ دوّار
ذِكَرْتِك والليالي طوّحت قلـب العنا تطويـح=على مَسْرى عيونٍ كان لي داخـل هَدَبْهـا دار
ذكرتك وانتي الرّاحج غلاك وما يبي ترجيح=بميزان المحبّه يابعد/أهل / ورفيق/ وجار
سقى الله ريحة اخزامى ربيعك والنفل والشيـح=وانا بفياض صدرك منشغل في شَمّة الأزهـار
يداعبها النِّفَسْ وَتْضُمّهَا روحي غـلا وتسيـح=وانا ذايب معاك وكنّي الثلجه بحضـن النـار
سقى الله يوم سودك صرحت لي بالغلا تصريح=توضح كل شي ومابقى بيـن القلـوب اسـرار
ياذات الوجنه اللي لو يلا مسها النسيم اتصيـح=من الَرِقّه وانا قلبي عليك مـن النسيـم ايغـار
(عفيفه) فيك طهر العابد اللـي يكثـر التسبيـح=(رقيقه) تشبهين مـن العذوبـه نغمـة الأوتـار
(رهيفه) أرهف من الدمعه اللي بالكفوف اتطيـح=(وديعه) كنّك احلام البراءه في عيـون اصغـار
وانا اللي من كثر مَا اندّه عليك وفي فضاي اصيح=حبال الصوت تنزف واجْرَحَتْهَا شوكة الصبـار
ياروحي والفراق ادمى الخفوق وشرحه تشريح=كأن الصدر لوح ودق به كف الزمـن مسمـار
كثر ماحاول انهي هالعذاب من الصدر وازيح=كثر ماتندفق لك من ينابيع الغرام انهار
(حبيبه) زبدة الهرج القضيّه ماتبـي توضيـح=انا بَعْدِكْ دموع،ونزف جرح،وسالفه، واشعار [/poem][/quote]