ظالمتني .. جديده
 

*

إقبلوها بمافيها من أخطاء .. :)

[poem=font="Simplified Arabic,6,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ظالمتني دايم .. وشكلك تبين=الفراق اللي تبـــيـــنـه مــن سـِـنــيـــن

والدليل إن صار شي ٍ بيننا=طاري الفرقـى تـجـيــبـــيه وتـجــيـــــن

ماإستحيتي عاد هذي سالفه .؟=والله إنك جـاهـــلــه مـــاتـستــحـــيـــن

لعنبو غيرك تعديتي الحدود=في التــعـــامـــل لـيـــه ماتـسـتـعــدلين

ليه رايك بس هو اللي صحيح=ليه منتي لـْـراي غـيــــرك تسمـــعــيــن

الغرور اللي مصيبك شـ آخره=لي متى وانتي بغرورك تفخرين

شايفه نفسك على إنك فاهمه=البلا إني خــابرك ماتـــفــهـــمـيــن

قالوا العقـّـيل في وقت مضى=الــغــبيّْ الـلي يـظــن إنـه فـطــيــــن

يوم انا صابر ترى طيب وأمل=لايجـــــي لـك يــوم والله تـنـــدميـــــــن

لاتحديني على الشينه كـفا=يامـْهـبــوله ماتــْـشــوفيــني حـزيــن

إهجعي صبري ترى ماهو طويل=لا تمـــاديــن وعقــــب تـتـــأسفــيـــــــن

الأسف لافات وقته وين يـِـصرف؟=مير شوفي لك على صرفه عوين

وقتها لو جبتي العالم جميع=ماأقبلك لوكان قـــدمــــي تـــركعـــــين

إحفظي نفسك وقدرك لايروح=ماي وجهك لانتــثــــــر الله يــعـــيـــن

دام لاعزه ولا به مستحاة=أقبلك ؟ هيهات لاوالله تــْـهــبـيـــن[/poem]

مبارك أبو ظهير



تصريع البيت الأول عن نهج الفصيح

وخارج ما أعتدناه وهو الهلالي

وبحر قصير
هي خطوه للخروج عن القديم للتجديد وبناء أسس جديده وجريئه

كل مافيك يا مبارك رائع

تقبل مرور أخوك

دمت بخير

الشاعر مبارك ابو ظهير

جميل اخي

لماذا لا تكتب شعر التفعيله الجديد واراك قادرا

تحياتي

نجدي حاطوم

صح الله لسانك يامبارك
سجل اعجابي ومتابعتي
ودي وتقديري

:

رغم بساطة هذا النّص ،،
إلاّ أنّ تماسُكُه ووحدته العضويّة أضفيا عليه الكثير من الجمال .
ألف أهلاً وسهلاً بِكَ يامبارك ..
وبما تكتبُهُ .