فُتات حلمٍ وغصّه!!
 

[POEM="font="Simplified Arabic,5,blue,bold,normal" bkcolor="transparent" bkimage="./images/backgrounds/15.gif" border="solid,4,gray" type=2 line=0 align=center use=ex num="0,black""]وأنا وحدي وتمر الوقت ونار الخوف وأحلامي=ألملم صورة الذكرى و"أفسل" نخلة الصدمه
وأنا وحدي على عذق الخيال ولهفة الظامي=أزرّع قمح لحظتنا ..يضيع القمح ف العتمه
قهر وأمضي على جثة عطر وآخربش عظامي=أحس الأرض تترنح بفعل الما عَرِف "شَسمَه"
رميت وما رميت إلا زعانف وقتي الدامي=عسفت وماعسفت إلا بقايا دنية ٍ عَسمه
وأصبّرني أقول :النار أكيد النور قدامي=وأتخشّش هنا وهنا وآخِرت الدروب الـ..مَه
يذوب العمر وأيامه تخبّى داخل أنسامي=كأن هذا يشل هذا ..يصير اللا ّفَرح قسمه
يا متعوّد تأطرني بطرف الأزرق الطامي=وأنا أفرفر تعب،وأكسر من أطياب الوله زحمه
على ماذا تنافسني؟ على حزني والآمي؟=يا خِي دوّر على حاجه تكون أجمل ومبتسمه!
عشان اللي إذا شرّع غلاه وصار مترامي=ترفرف زفرة ضلوعي واسمّي إن هَما باسمه
أعاهدني أبا أتحنّى هَيام ويابس أيامي=أكيد انها على موعد رصاصة لحظة الرحمه!
وأصير الطير والذباح والمرماي والرامي=خليط من العذاب اللي معتّق يوووه من إثمه
وعلى ذكر القطاف وناحل الأوقات والهامي=يصير إني أغيب وما أغيب ولا أنبس ب كلمه
يقولون الصبر مفتاح باب الضيق وحزامي=وأقول إن الصبر عوقي وأصر من العنا حزمه
فكيف أصبر وهاذي النار تحرق طُهر أقدامي؟=وكيف أصبر وأنا أصارع جفاف العمر وأقسمه؟
على الليله،على البارح،على القادم من أوهامي=عساي أقدر أوزّعني وأصالح عمري وخصمه
معي دفتر بدوّن له من أجمل عزف أقلامي=وأحفظها في دستور الوفا منهج من الحكمه
وإذا كانت عقارب ساعتي هي حلمنا السامي=أبا أوقّّف عقاربها إلى أن تمضي الأزمه !![/POEM]

ذاكرة النص :السادسة من صباح الجمعة
9 فبراير 2007

شيخة الجابري

اسم من ذهب

وشعرا من هدب





مرحبا بهذا الحضور البهي

وهذا الشعر المنساب

انسياب النهر

والعميق عمق البحر

توّقفت مرغمه ا عند:

فكيف أصبر وهاذي النار تحرق طُهر أقدامي؟
وكيف أصبر وأنا أصارع جفاف العمر وأقسمه؟
على الليله،على البارح،على القادم من أوهامي
عساي أقدر أوزّعني وأصالح عمري وخصمه



شيخة الجابري
تأتي هنا لتسرق الإعجاب
وتسكب الدهشة لنا على هذا الطبق الشعري الرائع


شكرا شيختناااااااا