الصراحه
 

[POEM="font="Simplified Arabic,4,darkred,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black""]الصراحة ما ابي منك الصراحة=لا تقول انك معي دايم صريح
لا تحاول تلعب الدور بقباحه=ما ابي اقسى واقول انك قبيح
غرتك دنياك في شكل انفتاحه=الأصول أصول وافهم يا فصيح
يوم تدرك بالخطا حجم الازاحه=ليه قلبي من غلا قلبك تزيح
نيتي لك خير لا نية إطاحه=وأنت ودك لو أنا بيدك أطيح
خافقي المجروح غارق في جراحه=تو جرحك ما برى منه الجريح
بعد ما أعلنت سبيه وإجتياحه=طاح عود ٍ في فراشه لك طريح
تغترف ذنب الخطايا و الإناحه=وبالجنازه ماشيٍ تبكي وتصيح
وللمحارم تفتح أبواب الإباحة=بعدها والعذر مني تستبيح؟
لو سألت العفو عن معنى السماحه=كان تدرك صورة الوجه السميح
ولو سألت النور عن سبل الإضاحه=يتضحلك بالسبل درب الصحيح
والغريق اللي جهل علم السباحه=في عيونه يحسب القشه صفيح
والسحاب إليا حرمنا من قراحه=لا نلوم الأرض لا شحت بشيح
خافقي لثنيه وأكبح من جماحه=لو سرجت من الغلا دمع الشحيح
لا تضن أنه معك يلقى ارتياحه=هو كذا مرتاح طيب مستريح
قوم روح روحة سهيل لمراحه=لا تعود لو سمعته لك يصيح
لو خذيت من البحر خصلة ملاحه=ما اصدق صاحب الوجه المليح
ما خبرت أن المساء ينكر صباحه=وما هقيت ان الردى به هب ريح
والصراحه كان ودك بالصراحه=تدعي بالصدق وانت الصدق ميح[/POEM]

CENTER]
[POEM="font="Simplified Arabic,4,darkred,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black""]لو سألت العفو عن معنى السماحه=كان تدرك صورة الوجه السميح
ولو سألت النور عن سبل الإضاحه=يتضحلك بالسبل درب الصحيح
والغريق اللي جهل علم السباحه=في عيونه يحسب القشه صفيح
والسحاب إليا حرمنا من قراحه=لا نلوم الأرض لا شحت بشيح
خافقي لثنيه وأكبح من جماحه=لو سرجت من الغلا دمع الشحيح
[/POEM]


عبدالمحسن الشاهر

صح لساك ولاهنت يالغالي

وحياك الله في ابعاد

بإنتظار الهطول القادم بشووق

دم بخير