منتديات أبعاد أدبية

السلام عليكم ..
ومساكم هيل وزعفران ..
مصافحة بعد استراحة شاعر .. أتمنى لها القبول ..
.
.
.
[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]دندنيها يالقوافي واكتبيها في عيووون=وجيّريها للخليل ابن احمد اللي ماكِسر
لو يموت العلم حتّى في عروضه مايهون=والفراهيدي* نساها لكن الأخفش* ذِكر
ألحَقِه مستدرِكه طالب نجيب وهمّ يمون=حيّ طالب لاتمكن جاب علمه في فِكَر
والمعاني لو تعاني نبضها كلّه لحوون=لو على رنّة "يالا لا " هالعسل اصله شِكَر
والهجيني لو سحبها بالبسيط يزود نوون=ولو رجزها ثم هزجها في طروقه ماجِبر
ايه ياعلم العروض وفاعلاتن في جنون=والهبال اليا تمثنى بالقوافي ماشِكر
والوتد في كل رنّه لو فقدها قد يخون=في حروف(ن) لو نثرها شاعر الغفله نِكر
والكسور لجبر خاطر كلّها للزيزفوووون=ايه اسلم يابعدهم .. انت يا .. أقصِد عِبَر
والعباره واضحه جمع المذكّر " مجرمون "=ونون نسوه من حياها هالسكون إلها قِبَر
وفلسفتها في حروفي قد يكون أو لايكون=وبصراحه مايواخذ قاف شايب عن كِبَر
يعني شايب إله حقّ ولو قعد لسبيس تون=فاعلاتن دندنتها تغري اللي ماجِسر
والجساره لو تِشَجّع لخبطت شاعر فتووون=يعتريه اشواق غير ولو نفاها ماقِدر
والصراحه هي إراحه سرسحتها كون زون=تنعش الخاطر برود .. ولو تصيب وذا نِدر
والدليل مبارك* اليا مرّ افصح مايبون=والله انّه في جباه الكلّ يصقع .. مابِسر
وبالحقيقه ياعيوني نيّتي اصقع شجووون=يعني مثل مبارك اليا قال قال ولا خِسر
ايه وربي غيرك انته ماحبّ ولا حنووون=يعني انته في حياتي معتبرك اغلا بِشر[/POEM].
.
* الفراهيدي : واضع علم العروض وبحور الشعر .
* الأخفش : طالب الخليل ابن احمد الفراهيدي والذي استدرك البحر
السادس عشر والحقه لبحور استاذه واسماه " المتدارك أو المستدرك " .

* مبارك : الشاعر \ مبارك ابوظهير .
و ورود اسمه هُنا لمصداقيته وصراحته في ردوده .
.
.
.
احتراماتي