منتديات أبعاد أدبية

كــلمــا مــنيــت نــفســي بــالـشفـا ألـقى الـعضـال
مـن تـزور أنـفاس جـسمـي أبدأ ابحث عن دواي

مـــاتـــجي إلا بـــغفــلة هــاجــمٍ لــي يــالــسعــال
لاهـــنتـــلي أي لـــقمة لاهـــنالي شــرب ماي

خــف صـوتـي لـين جـيّم واخـتفى عـني الـمقـال
صرت اسكِّر منك حلقي كني أعزف صوت ناي

احــترق صــدري وقــلّت حــيلـتي وقـت الـجدال
مــنصـفن جـسمـي ولالـي فـي الـمجـادل أي راي

لادوا لا حـــرز يـــنفـــع لانـِــفَعـْــك الاحـــتيــال
كـــنِ مـــاتـــلقى غــريــمٍ بــين خــلق الله ســواي

فــارقــت عـينـي رقـادي وابـتلى راسـي الـخبـال
والـطبـيب الـلي كـشفـني قـال شـوصـفلـك عساي

مــن بــدالـك وقـت نـومـي مـابـتتـركـلي الـمجـال
تـشهـر سـهامـك وانـا فـي رجـوتـك غـفوة مـناي

كنِ تعنيك أم كلثوم (ماخطرتش يوم على البال)
(يـامـسهـرنـي) وحـافـظ قـال (ده الـهوى هواي)

كــل عــوقٍ يــجلــس شـوي بـعده يـشد الـرحـال
وانـت مـاتـشبـع مـن الـذل حـتى تـبقـيني برجاي

كــل شــي لــو زاد حــده مــاعــرف أي اعــتدال
يــبلــغ الــذروة ويــوقــع والله أعـلم بـالـلي جـاي

خـــلنـــا نـــوصـــل لـــحدٍ بـــينــنا ورِد الــسؤال
وش يـفيـدك شـخص آمـن تـشوي بلعومه شواي

لاتــحاول فــينــي أكــثر الـشفـا مـن ذي الـجلال
كــان مــاتــرغــب تــولّي ربـي يـأجـرنـي ابلاي

مــن صــبر عــبدٍ عــن الـهم ربي يـرزقـه الـحلال
وانـا اصـبر لـين تـقنــع صـبحـي ولـيلي ومساي