صحبة الأيام هذي ..؟
 

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الوجـــوه اــلـي تـــشــــكّــــل فـــــــي عــــيــــونــــي=والـــعـــيــــون الــــلــي يـــشـــكـــلــــنــــي هــــدفـــهـــــا
كلها .. تشبهني بشكلي ولوني=كلها .. يحتار فيها اللي وصفها
قبل م اسألها من أنتي ..؟ وش تكوني ..؟=حطـت الشـرهـه عـلـى الـلـي مــا عرفـهـا..!
هـــاجـــمـــت مـــنـــفــــاي واجـــتـــاحــــت ســـكـــونـي=والمسافات ابتدت من منتصفها
استغلّت طيبتني وأغرت جنوني=وانخدع حرصي .. بعفوية صدفها
شفتها مـــنــقــــــادة وزانت ظنوني=قـلــت .. يـــا قـلــب أعـطـهـا فـرصــه وشـفـهــا..؟
إن ربحت .. اسكّت اللي شككوني=في وجاهة كلمه الطيب وشرفها
وان خسرت .. أقـــــــــول غــــنـــــي يـــــــــا لـحـوني=ضاعت الهقوه وعند الله خلفها
قولي بشيكات الأقوال اخدعوني=ثم غني .. يبطي وهو ما صرفها
بنكها معروف واسمه ( دوروني )=ما ترك للطيب ريشه ما نتفها
قولي إن أبوابي أكثر من حصوني=وان لي وقفه بدون شعور أقِفها
قولي إني كل ما يستغفلوني=انخدع من طيب ذات .. أو قولي أفها
في سوا بيض النوايا ما غزوني=يوم وقتي من قواميسه حذفها
حلمي اللي دغدغوه وضحّكوني=أطيب أثماره ما حد منهم قطفها
إنهم ليسَ لهُم مكسب بدوني=والذنوب معلقه في مقترفها
ما تأذت من عصافيري غصوني=لين ما قامت تمادى في ترفها
قولي إن اللي خذوا مني .. عطوني=نظره تفنّد خفاهم من صلفها
واعرف اللي للمصالح نصّبوني=واللي لمصلحته النفس يعسفها
مشكله .. بعض النفوس اللي بكوني=سامجه .. ما تستحي من كثر أسفها
النتيجة يا هل الطيب اسمعوني=عن قناعه من تجارب مكتشفها
صحبة الأيام هذي صدقوني=ما تفيد اللي تعلّق في طرفها[/poem]

محمد البلوي

اشتقت للشعر .. وجيت اصبح علية

صباحك ورد يا رجل

محمد

صباح الشعر والرضى

جميل ما قرأت هنا

صح الله ألسانك

مـــــــا تـــــــأذت مـــــــن عــصــافــيــري غــصـــونـــي
لــــيــــن مــــــــا قــــامــــت تــــمــــادى فــــــــي تــرفـــهـــا

الله عليك يامحمد مدد من النقاء والشعر

لله درك ولنا ان نحتفي بهذا النص طوووويلاً

صــــحــــبـــــة الأيـــــــــــــام هــــــــــــــذي صــــدقـــــونـــــي
مــــــــا تـــفـــيـــد الــــلـــــي تـــعـــلّـــق فـــــــــي طـــرفـــهـــا

حكمة لرجل يمسك العصاء من المنتصف

محمد لك النور والمحبة حتى ترضى

هنا شاعر احبه كثيرا
هنا شعر اتابعه كثيرا
صح لسانك يا غالي
جزله ومدهشه
ومتفرده
لله انت