منتديات أبعاد أدبية - خمرة بشر مو بشر،،،

سبحان من صورك
والحمد له مليون
حسنك سباني وانا
متشكر وممنون
قول الشفايف عسل
وقول العيون شلووون
وقول الشعر والمشط
حفلة غجر وفنون
وكن الحلو لو مشى
فيه الدلع مجنون
خمرة بشر مو بشر
ياصغير ومزيون
ارحم عيون الذي
من شوفتك مطعون
واطلق سراح الهوى
وانت ادرى بالمسجون
ورشّ العطر ياعطر
خل يطلع المكنون
وكلم جمالك ترى
خلا البشر يبكون
مجنون فيك الحلا
وصج الغرام جنون
ياعمي وين العقل
للعاشق المفتون
بوسة شفايف محب
كنها انشطار الكون