لحــظة انسكاب !!
 

[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

،

:
:




وش كثر كنت انتظرها لحظة الانسكاب = واكتب على درفة الباب : القصايد تعب
ياليتني عشت طفل ولاوصلت الشباب = ولااعتراني يباس .. وضيق وقت .. وغضب
الليله درب المدينة من غبار... وضباب = والذكرى قامت تولّع بالضلوع : اللهب
احبابي من وادعوني عشت فصل الغياب! = حاضر بصوتي ..ولكن غايب ٍ من سبب
وشلون اجأبه ظروفي .. واتحدى الصعاب = وانا من الشوق اطيح بساع وقت المهب !
حاولت اصدق مقولة [ الصديق : الكتاب ]!! = ورحت بحماسي وجبت انواعهن ّ الكتب
مافادن بشي .. غير اسلوب فن الخطاب = يعني المقولة ورب البيت هذي كذب
وحيد .. واستطعم الخوف بمراره .. وذاب = صبري .. بعد مازماني نال فيّ وشرب
اول .. وحلمي نقشته في جبين السحاب = وحطيت له نجمه.. وتاج.. وجبين.. ورتب
واليوم ياجعلني اذوق طعم الشراب = ضاق المدى اجمعه لو كان صدري رحب؟!!
لكن عساها تعود ام الثمان العذاب = وكلي تحت امرها في ماتبيه .... وتحب
من دونها العمر مايسوى جناح الذباب = وبْقربها كن بكفوفي سبايك ذهب !

[/poem]

الراائع باتل عبدالعزيز
انسكاب جميل
في ذائقة كل من يقرء هذا النص
نص رائع
من شاعر اروع

بَاتِل
وأنْتَ القَرِيْب ُ مِن القَلْب دَومَا ً
حُضُورك َ مُبْهِج
جَمِيْل النّبْض والحَرْف

عبدالله صلال العساف


شرفتني بحضورك الجميل
اطيب التحايا

باتل عبدالعزيز

نص مليئ بالشعر والمعاني والصور

رحلت معه الى اخر حرف بالقصيدة

وعدت اردد

ياليتني عشت طفـل ولاوصلـت الشبـاب

ولااعتراني يباس .. وضيق وقت .. وغضب

الليله درب المدينة من غبـار... وضبـاب

والذكرى قامـت تولّـع بالضلـوع : اللهب

صح بوحك واحساسك يا باتل

تقبل اعجابي وانتظاري لهطولك من جديد

خلف المهيلان

الف شكر لمرورك الجميل
تقديري


اخوووك