تثاوب الصبح
 

لقلوبكم

[poem="font="simplified arabic,5,crimson,bold,italic" bkcolor="transparent" bkimage="./images/backgrounds/57.gif" border="outset,1,blue" type=2 line=0 align=center use=ex num="0,black""]تثاوب الصبح ..ماللدرب من تالي = يا آخر الدرب خلصني من اولته

لازلت احايلْك وآمالي هي آمالي = والجرح شلته وبعده مثل ماشلته

راح اكثر العمر ضيعته من هبالي = مابين حملٍ ثقيل وحلمٍ اولته

واللي يزيد قْهري ويقطَع اوصالي = بالقلب نصف الحكي للحين ماقلته

آحاول ارقى عن الذكرى وترقالي = آحاول اقرب من النسيان ماطلته

ويسريبي الوجد احس برجفة ظلالي = مايخجل البرد جمرٍ بالحشا اشعلته

يافاخر الحسن من حدوك عذالي = هانت عليك الدموع وجرحي اهملته

وتركتني في مهب الشوق ولحالي = بلا وداع وعليك الدمع سيلته

ارد مني العزا عني ...وتبرالي = قطعان حزني حنين القلب واسألته

قلبي ...ويبقى العتب وان قال لك غالي = من وين جبته ..وشف ولوين وصلته

ياطاير الشوق وش جابك على جالي = رميت عشك على جرحي وثقلته

فتحت باب ٍ يجيب الريح في بالي = وشلون مدري ؟ وانا يادوب قفلته

شفني بنصف الدرب والآخر قبالي = لا قادر ارجع ولالي في مواصلته

تقول دربك وعر وآقول عزالي = اشوف يومك تبي بيديك سهلته

والا عزيز النفس يالمترف السالي = ماذلته فرُقتك لو كنت ذللته

والنخل ماينحني ويموت بالعالي = وش عاد لو سْعفه للقاع ميلته

الشمس نامت وبانت وحشة التالي = يا آخر الدرب ..رجعني على اولته[/poem]

اخوي الشاعر اسعد الروابة



سعدتُ جداً بمروري هنا وبقراءة هذا النص العذب الراقي



فقد وجدت فيه عذوبة المفردة وسلاستها

كذلك جمال الافكار وتسلسلها

وهذا ما يجعل الشعر جميل

بإحساسك انت ايها الشاعر المتمكن


صح لسانك


تحياتي لك وتقديري

ويسريبي الوجد احس برجفة ظلالـي
مايخجل البرد جمـرٍ بالحشـا اشعلتـه
يافاخر الحسن مـن حـدوك عذالـي
هانت عليك الدموع وجرحـي اهملتـه
وتركتني في مهـب الشـوق ولحالـي
بـلا وداع وعليـك الدمـع سيلـتـه


ياسلام

راح اكثر العمر ضيعته من هبالي
............................. مابين حملٍ ثقيل وحلمٍ اولته

واللي يزيد قْهري ويقطَع اوصالي
........................ بالقلب نصف الحكي للحين ماقلته


ابو هاني

وهل بعد هذا الابداع ابداع

صديقي هل من مزيد ..

لعلي اروي ذائقه تعطشت لزلال ينابيعك

مودتي