[ .. غـن لا ضاقت عليك الوسيعه غـن .. ] .. !!

[نايف الروقي]

:

مابقا شئ واعطيه البشر
من يبي شئ قله يستريح
:
لو معي والله اني ما اعتذر
ماملكه راح معها للضريح

:
الروقي ..ن..

 

[الهنوف الخالدي]

[poem=font="simplified arabic,6,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black""]
كلما فاضت عيوني باشت الاضلاع غنى=الموارد فالضلوع وكل ضلع فيـه ونـه
والتمني مايحقق هقوت القلب ان تمنـى=بس قلبي مايداني تبعد الهقـوات عنـه
واوجودي وجد من جلي عن دياره مجنى=تو عمره عشر واربع والليالي ماتحنـه
ماوراه الا عجوزه واخته وعودٍ مسنـى=بين فقر وبين دين وبين ضيم وبين منه
ماذبحهم غير دمعٍ من الغبينه مايكنـى=ويل من سود الليالي بالمصايب يبتلنـه
[/poem]

 

[نواف التركي]

اقتباس:المشاركة الأصلية كتبت بواسطة أريانا

ماهو بكيفك عقب شيٍ حصلي

من ذوّق المحتاج يصبر الى احرجْه
خليتني من حلو حاليك احلي
واصبحت مدمن حب والقلب روّجْه
بين العروق وصار مافيه " ملي "
الا وله جُرّه تمرّه وتسهَجْه
وذود الغلا في عشب قلبي تفلي
وتراب صدري للمطر منْك ما احوجْه
يمحل الى صدّيت ويموت يا اللي
صديت عنّه والله احياه واخرجْه
ولي خاطر ٍ يسألْك من لي ياخلي؟
غيبتْك تلعب به وشوفتْك تبهجْه
ولي عين حالي دمعها لك يهلي
وانْ رحْت راحت مالح الدمع تزعجْه
غالي ولا يحتاج بسّك تغلي
غلاك اخذ قلبي وروّضْه واسرجْه
ولو قلت ياعيني بصدره تملي
شافت خفوق ٍ حبك الذرْب توّجْه
وماهو على كيفك عقب ما حصلي
من ذوّق المحتاج يصبر الى ازعجْه
(عطيتني وجهك وانا جيت كلي
محروم والمحروم ما ينعطا وجْه)
( محمد بن فطيس )



أريانا
حفاظاً على الحقوق الأدبية

البيت الأخير لـ الشاعر

سالم بن صليم

بقية النص لا أعلم هل أقتبسه بن فطيس أم النص كامل لسالم .

 

[سكون]

مسـرج بليـل القصايـد هقـاوي
خبّـر بساتيـن المشاعـر يهرجـن

يا موقد بلحظـة جنونـي ،غنـاوي
كم كنت أظن! وكم غزا خاطري ظن!

علمّنـي أزهـمْ للنهـار ،الخطـاوي
وأعلمك ليه السفـر بالمـدى ،فـن!

شفني سراجٍ يشبـح البـاب ضـاوي
في شهقتي مرّنْ سنيني ,, ولا ..جن!

تفتّقـن سمـل المواجـع... بـلاوي
كنْ الطعون ،نيـاق جـربٍ يلوجـنْ

فالصدر ذيبٍ يقنـب الليـل عـاوي
كثر الحنين أرخيت له,مير ما حـنْ!

وكم كنت أقول ،إن الطريق متساوي
وكم جرح، عذربني , ولا قلت له كنْ

كنت السواد, وكان حلمـي سمـاوي
الله ! يا أجمل وهم ،صحت به غـنْ!

غنيـت ،عـذري بالكتـابـة ،أداوي
ذود الطعون اللي بصدري ،يسجّـنْ

يا كثر مـا لاحـن بعيني..رجـاوي
في طيشهن..خرش الهواجيس يرعنْ

وياكثـر مـا ودّن وقلبي..شـفـاوي
شفهن,تخطّنْ في ذهولـي, وعـدّنْ!!

أقفن مناوي ...وسافرن بي منـاوي
ما عمرهـن قـدّام عينـي تلاقـنْ!

كثر البكا ،كثر أختصـار الحكـاوي
وصيتهنْ.. يطون شعـوري إذا عـنْ

مـا هيجنّي!!!،لكـن اللـيـل داوي
تعبت أسايـس وحشتـه ،ويتفرعـنْ

يا موقـد الليلـة ،بحزنـي لغـاوي
أرخ بيدينك ..نزعة الشوق الأرعـنْ

صب القصايد ،نرجس الروح خاوي
ياما أنزوى من سود الأيام وأنجـنْ!

في قاصي ضلوعي يصيح الخـلاوي
كان يتهجي صدق الأشعار..ويكـنْ!

وصّاني أقرا كـل الأشيا..وأسـاوي
كل الجهـات بنظرتي...وأشتكيهـنْ!

يا مسرج إحساسي..وش القيظ ناوي؟
العمر يزحف !..والغرابيـل يدبـنْ!

أخترت أبكي!...مير ما نيب قـاوي
زيف القصايد ...زيف!..يا سيّد الجنْ


صالح الظفيري

 

[نايف الروقي]

:
ياضمايا المشاعر لو لذودك نصيب
من براد الحنين ومن حنين البراد
:
ماطفا صبح شبه نور وجه الحبيب
لو غفا طرف مجنونك بلذة سهاد

:
الروقي ..ن..

 

[سـ/ـماء غازي]

اقتباس:المشاركة الأصلية كتبت بواسطة أريانا

اقتباس: المشاركة الأصلية كتبت بواسطة سـ/ـماء غازي

الشعر مـا عـاد يكتبنـي ويغرينـي
............... وقصايد النـاس تكفينـي عناوينهـا
والخلق متشابهين أزوال فـي عينـي
............ مدري من أصحاب روحي من معادينها!

الله يا سما

صح لسانج

لـ نواف التركي , لـ نوااااف .

 

[سكون]

ياكثر شرهاتي عليـك انـت بالـذات
.... والا علـى غيـرك تراهـا قليـلـه

تعبت اجي بسكـات واروح بسكـات
... ساكـت وانـا متنـي حمولـه ثقيلـه

مرات احس انـي لحالـي ومـرات.....
. احـس مسنـود ٍ بجـيـش وقبيـلـه

عشت بمتاهـه غيـر كـل المتاهـات.....
... كانـت مفيـده بـس ماهـي جميلـه

عرفت منها كيـف طعـم الخيانـات......
...... وشلون ترخصـك النفـوس الذليلـه

خسرت .. لاوالله فدتـك الخسـارات....
. ياغـلا مـن الدانـه بعينـن بخيـلـه

ماقلت لـك قصـة بعيـد المسافـات ..
...اللـي معـه بشتـه وسيفـه وخيلـه

ضحى بهم منشـان سـود ٍ وسيعـات .....................
.....الله يعيـن اللـي مـفـارق خليـلـه

جيتك اشيل من التعـب كثـر مافـات
.......... طرقي وهـدت سـود الايـام حيلـه

خذني من ايديـن الحـزن للمسـرات
....... ليله معـك عـن الـف ليلـه وليلـه

صوتك لحاله غير عن كل الاصـوات..
.
.... وش غير ؟ حتى الغير ماهـو مثيلـه

غير انت وصوتك غير والشوق مامات
.......... وتلومنـي لاجيـت قلـبـي اشيـلـه

دايم ترى اهـل القلـوب الحزينـات
....... تنشد عن الغالي وتجـي تشتكـي لـه

علاقتـي ويـاك غيـر العـلاقـات
....... لـو كـان ماهـي ياحبيبـي طويلـه

اشره على الغالي عليك انت بالـذات..
........... والا الرخيص رخيص ماني بجي لـه

ثامر الدقباسي

 

[نايف الروقي]

:

ماعاد باقي قلب ياطالب القلب
والقلب واحد ناله انسان واحد
:
انا البعيد اللي تخيلته القرب
وانا القريب المنتهي بالتباعد
:
للورق لو غنا اللحن ماني بطرب
ارجوك وضعي للاسف مايساعد
:
عن الغلا صايم صيامي عن الشرب
قلبي احلته فالهوى للتقاعد
:
مالي ومال الود لو مربه درب
عسى ماتسقيه المزون الرواعد
:
ومالي ومال الضيق والهم والكرب
خليتها لاهل الوعد والمواعد
:
الروقي ..ن..