{ شظآيآ حلم } .. | إلى روح صغيري يرحمه الله | .. - الصفحة 8 - منتديات أبعاد أدبية
 
معرفات التواصل
آخر المشاركات
!!!!! .....( نـــــذرولـــــوبــــيــا ) ..... !!!!! (الكاتـب : خالد العلي - مشاركات : 99 - )           »          ^^ تقاسيم الهدوء^^ (الكاتـب : محمد الحجري - مشاركات : 41 - )           »          حجرة الذكريات والهروب (الكاتـب : النجلاء - مشاركات : 24 - )           »          رِيْش. (الكاتـب : عَلاَمَ - مشاركات : 4 - )           »          أكتب إليكِ.. قصيدة نثر (الكاتـب : إبراهيم امين مؤمن - مشاركات : 2 - )           »          ظِلُّ الكَلَامِ! (الكاتـب : جهاد غريب - مشاركات : 0 - )           »          قصص قصيرة للأطفال " متجدد " (الكاتـب : سيرين - مشاركات : 123 - )           »          ذاتُ حنينٍ يُناديهِا قلبي. (الكاتـب : عُمق - آخر مشاركة : سيرين - مشاركات : 3 - )           »          هل تُفكِّر، أم تُجلد ذاتك؟ (الكاتـب : عُمق - مشاركات : 4 - )           »          تَواصلٌ أبعادِي ! (الكاتـب : شمّاء - آخر مشاركة : سيرين - مشاركات : 1971 - )


العودة   منتديات أبعاد أدبية > المنتديات الأدبية > أبعاد الشعر الشعبي

أبعاد الشعر الشعبي بِامْتِدَادِ الْلهَجَاتِ ، شِعْرَاً يَحْكِيْنَا .

 
 
أدوات الموضوع انواع عرض الموضوع
قديم 04-01-2009, 04:23 AM   #1
ندى القحطاني
( شاعرة )

Unhappy { شظآيآ حلم } .. | إلى روح صغيري يرحمه الله | ..




أحلامي قد نُسجت من ( خيوطٍ عنكبوتيه ) !!
وبِ ذنبِ إبرهٍ ( عبّقريه ) ..
تنفث سُمومها ( العقربيّه) !!
لِ تُقسِم [ ميراثَ الموتِ ] على آل الندى أجمعين .. !!


| دندنهٌ يهوديه |
ذبحت حمامه سِلمي في الهزيع الأخير من الح ـلم :


أقاوم [ عنفوان العتم ]
____ وبِ [ حِنفة ضباب ] أطيح !!
وتتسلق [ سُحب دمعي]
____ على [ شُرفه عيون ] تصيح !!
ويتردد [ هُتاف أسود]
____ (( يعيش المُر _ يموت الشيح))
أهازيج(ن) يهوديه
____ تلوث لي .. [ أغاني الريح ] !!
ويشيب الحكي في فمي
____ [ واختّير] يا زمان المِيح !!




سكبت الغيمْ !!
__________ أبغرق في إندلاقه ديمْ !!
كسرت العين !!
__________ (جواب) لمهمهان السين!!


كنزت الحِلم ..
.. في صندوق / صدري !!
نظمت الورد ..
.. في سلسالِ / عطري !!
ذخرت الفرح ..
..ل سنيني العجاف / اللي نُوَتْ كسري !!

بَخسْ مهري ،
قصمْ ظهري ،
__________ وعاث ( الرُخص) في قدري !!
بعث جرحي ،
دفن فرحي ،
__________ زرعني( شيب) من بدري !!

::
::

تولاني ب{ عبث أهوجْ } !!
،
محا فيني {ضياء أبلجْ } !!
،
وناصر واقعي [ اللجلجْ ] !!
,,
،،
وحرّم ( هذره الوسمي )
على أرضي !! على رسمي !!
وماراني ب فشل عزمي !!
وباراني وقصد هزمى !!
ونسيت بسبّته والله:
إيش إسمي ؟!
::
::
::

خداعك ((((( فن ))))) يا حلمى !!
ولو بيدي !!
__________ عطيتك جائزه|أوسكار|!!
__________ ف التمويه / والأعذار!!
___ وفي إخلافك ل ظني !!
/
\
/
.. تبوق من الشفايا ضحكتي ،،
..وأغتاظ !! |
..وبحر الدمع من موقي - لعينك-
..فاض !! |
وأبــــلعها ..
ولي فيها من الأمرار !
ما يكفي - يأهلني- أوزعها على ألفي دار !!
وأمررها ..
وأنا في خنقتي محتار !!
/
\
/

خسارة يا زمان الحلم !!
ضاع الحلم !!
وأنا اللي كُنتْ _ فيّم قبل_
| .. أَتِّلّقَبْ.. |
| .. وِأَتِّهّندمْ .. |
__________ { أنا شرواي مثل الح ـلم } !!
وأنا هالحين _ بالأحرى_
__________ { شظايا ح ـلم } !!
به وخزه !!
وبه نغزه !!
__________ تغرّز فيني ( سِمَّ الآه) كل حزّه !!
وأنا هالحين _ بالأحرى _
__________ { بقايا ح ـلم }
متشيظنْ _ و متشيطنْ ..
تفوح بداخله (لـعنه) !!
تعانق _ تعتنق ..
بلواي !!
ويسود الحكم في دنياي
( شريعه غــاب ) !! تحكمني ..
.. وغاب الكلِّ عن سلواي !!
/
\
/


و لبست أحداق .. !!
تحدق في فضاء الأوراق !!
وتسكب لي ( مياهْ أمواق) !!
::
::
وسكبت الحبر من قنينه الماضي !!
وكان القلب (في حاله )..
و(من حاله) .. ترى راضي !!
::
::
إلين الحبر في ( صفحه حياتي ) سال !!
وإتشعبْ !! |
طمس لي حرفي اللي -ما انكتب-
وامتد في الصفحه ،،
وهو يشجبْ !! |
بقايا حلميّ المُعشبْ !! |
ويحصدني ( حروف / عذوق ) !!
إلين يحليني ل صحراء !!
كئيبه - مُعدمه - قفراء !!
لا تجدي ولا تشّعبْ !! |


::
::

و شخط كبريت إحساسي !!
يُدق بإيده المسمار !!
على جدارن قرطاسي !!

و .. |توضأني|..
يقينٍ يطرد الوسواس !!
ويممني | رجاء مبحوح |
شطر القلب وهو مجروح ،،
ويلعن هذره الخناس !!
وينفثني أحاجي وقت !! /
تراقص شفره /النسناس !!

وتمنيته _ تخيلته _ تنفسته !!
تسربلته _ تصورته _ تمخضته !!
/
\
/
وفي لحظه ألم ..
__________ يرحل !!
كذا فجأة ؟!
ب دون ( إحم ) ولا دستور !!
ذبح في داخلي عصفور !!
يرفرف في سماوات { الأمومه } منطلق .. مختال !!
يعرّفها ب نظر عيني :
ويرتلها / يغردها :

الأمومه :
__________ ( صدق) متّبل ( طهاره ) !!
الأمومه :

__________ ( صدر ) مُعشب ب(النظاره) !!
الأمومه :

__________ ( حلم ) يحتّل الصداره !!
/
\
/
| عند قلبي | ..
__________ وكل قلبٍ فيه [أنثى] تسكنه !!
| وسط عرقي | ..
__________ وكل عرقٍ فيه [أنثى] تحقنه !!
::
::
.... [سيل ] ....
__________ جارف ب الحنايا !!
.... [ إيدْ ] ....
__________ تمنحنا الهدايا !!
.. وفي سبيله ..
__________ صارت عروقي ملايا !!
ب الحنين ... !!
وشوق يتعدى السنين !!
__ ويتسلق ( سور صينْ )
ليييين يصعد في العلالي !!
وفي إيدينه ( ريشهٍ بيضاء)
تهدد ذي الليالي !!

وعند (غيمه) ..
____ .. نصّب ل رجواه (خيمه) .. !!
والوتد ..
__________ حبّه من أعواد المطر!! .. صارت عمد !!
والقماش ..
__________ من خاصره حلم السماء !! و إنّقدِّ قدّ !!
..
..
..


وجيت والدنيا أليمه !
تصطبغ جُدرانها ب لون السواد !!
تمتهن فيني (القساوه )وبِ عناد !!
يبّست فيني عروقي ..
وكل وهمٍ صار ل أحلامي .. مداد !!
::
::
قطّعت حبلٍ يوصلني
ل أفراحي القديمه ..
وقلبّت فيني المواجع
وأهدمت فيني مدينه !!
يا لهالدنيا الأليمه!!
يا لهالدنيا اللئيمه !!

::
ومن حضرت ..
أو خلني أفضل دَقيقه ..
|من وهمت إنك حضرت|
صرت أتحرى حضورك !!
كل لحظه .. كل دِّقيقه !!
/
\
/


أرتقي عند السماء ..
__________ وألبس غمامه !!
وأصدقائي :
__________ نجوم والناي وحمامه !!
وينحني عندي القمر ..
والبسمه في ثغره / علامه !!

وكلهم زفوا على سمعي كلامه :
( ألف مبروك وسلامه ) !!
( ألف مبروك وسلامه ) !!
( ألف مبروك وسلامه ) !!


/
\
/


يااااااااه
كم نطرتك يا صغيري !!
أحضن كفوفك وأغني :
أنا أمك يا صغيري !!
وأنت بعيوني مصيري !!
وأناغي الفجر في عينك وألمّك !!
وأداري الصبح في جفنك وأخمّك !!

::
::
ومن تمدد ( حبل ) ما بيني وبينك!!

وأنا أشرب ف الحليب !!
رغم ماهو شف أمك !!
بس رغم الأنف شُربي للحليب !!
ويا عسى كل الشفوف تطيح في أقرب جليب !!
المهم صحه وليدي !!
::
::
ومن شعرت إنك ب أحشائي شطيت !!
و امتطيت !!
صهوة البطن و وطيت !!
قمت أسرف ب الأماني ؟!
وما عطيت !!
وفي حساب أوقات جيّه حضرتك !!
ياما خطيت !!
::
::
وكانت الدعوه ( شهور)
بس تسعه !!
وكل شهرٍ في ( ثلاثينه ) يعوووم !!
وما يهم ..
..لو زاد يوم .. و طاف يوم !!

|

المهم ..
إنه بعد تسعه شهور ..
يذوي حزنٍ أنبت همومي / دهور !!
المهم ..
إنه بعد تسعه شهور..
ينحكم للفرح .. إفراج وظهور !!

والمهم ..
أسمع أنا : يّمه .. ولو عدّت شهور !!
المهم أسمع أنا : يّمه .. ولو عدّت شهور !!
المهم أسمع أنا : يّمه .. ولو عدّت شهور !!


/
\
/


بس (حلمي) ..
كان أبعد من شفوفي !!
زاهدٍ دنياه فيني ..
وإعتقاده كان : | صوفي | !!
::
::
يوم يسلبني .. حياتك !!
يزرع ب عيني رفاتك !!
رغم إن أبسط حقوق الحلم فيني !!
بس أتخيل شفاتك !!!!!!
تناغي الفجر !!
تناغي الزهر !!
تناغي وجهي | ،، اللي ينطق ب حزني !!
وتسرق كل تقاسيم الضياع
| ،، اللي ( ترس مزني) !!

وتشحن لي شحوبي ، ب لونك الزاهي !!
وتتورد لك خدودي |
وأجاوز فيك بحدودي :
وأطبع ( قُبلتي ) في فيّك ........
وأتلذذ !!
|صغيري | ..
تو أذوق الشهد من فمك ..
وأتنهد !!
/
\
/


لأن الموت ..
أستحقرْ يصُبّ الفرح في قِربه عيوني حيييييل ..
وأستكثرْ !!
خذاك ..
وأنت باقي في (سرير الغيب ) تتدثرْ !!
::
سرق روحي !!
وأنا أنسجلّه (معاطف ماء ) .. ب أمواجي !!
سرق عيني !!
وأنا ابنيلّه ( ترف ) من حلمي العاجي !!
::
::
وخلاني (غريبه في ديار أهلي)
وفحيح الريح ..
ينبس ب الهبائب صوت يندهلي !!
وأسوق الخطوتين ل عند قبري ..
...............بس على مهلي !!

/
\
/
ورحل عني
رحل عني
رحل عني
/
صغيري اللي رحل بسكااااات !!
بغمضه عين /
نقل في (خانه الأمواااات) !!!
وأنا بعده /
بقايا من فتات / إشتاااات !!
ورحل عني ..

إستجداء :


لا تِذْكِّرني ،
بِ { حلمٍ } .. صـَارِ تحتْ أنقاضِ { واقع } !!
[ فعلْ ماضيْ ] !!
وانبنى من حسرته .. جرح [ المضارع ] !!




أتمنى أن تقرأوني بِ عمق
وتتأكدوا أنه {إجتياحٌ شعري} ل أصل ل ذوائقك النقيّّه !!
وإلا .. ف القلب في عنفوان الرضا يتقلبْ نقره لعرض الصورة في صفحة مستقلة
لله ما أخذ وله ما أعطى |
وكلّ شيءٍّ عنده بِ مقدار ،،

نقره لعرض الصورة في صفحة مستقلة

 

التوقيع

إملاءات المطر


التعديل الأخير تم بواسطة ندى القحطاني ; 04-01-2009 الساعة 04:41 AM.

ندى القحطاني غير متصل   رد مع اقتباس
 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
<>تعبــت ! لكنــي صبـرت وتعلمــت /واخــذت مبــدأ النــاس(ازمـة وتعـدي )مفلح الرشيدي مفلح الرشيدي أبعاد الشعر الشعبي 16 08-08-2009 11:38 AM
قبل موتي بينهيني .! سطام الصعب أبعاد الشعر الشعبي 18 06-15-2007 01:11 AM


الساعة الآن 08:33 PM

الآراء المنشورة في هذا المنتدى لا تعبر بالضرورة عن وجهة نظر الإدارة

Powered by vBulletin® Copyright ©2000 - 2025, Jelsoft Enterprises Ltd.