تغريدات شعراء وشاعرات أبعاد /تويتر

[خالد العيسى]

.
التراب هو النسبُ الأكيد الذي يجمعُنا

 

[قيصر الصخري]

على كتفي حبيبٍ يرمي اوجاعه ..
ويرثيني

ويفتح للحصاد ابواب ..
واشهقني غياب احباب..
وابكيني
------------
ميـــــــــــرال

 

[خالد العيسى]

الأخلاق الرّثة لايسترها الثوبُ الحسن

 

[محمد علي الثوعي]

‏ما حسبنا احساب شيال القرب
........اللي حمله مابلغ حمل البعير

لو يقول انه من انساب العرب
........في عيون الناس مايكبر صغير

من يفك المعضلة وقت الكرب
........غير سلمان البطل سيفه شطير

الزعيم الفارس اللي لا ضرب
........ترتعب كل الدول قايد كبير

محمد الثوعي

 

[بدر عتيق الحربي]

الشاعره الجون ارسلت بيتين لي تقول

تراب الهم ينداسي
وحس الموت مايمري
جفوك الجن والناسي
وربك طاعته تغري


ردي
احس الهم بأنفاسي
مثل مايُنشق العطري
ولكن لو بقى راسي
بوقتٍ ماقبل عذري
بتوب وبترك الناسي
والجأ للذي يدري
ياربي قلبي القاسي
طلبك العفو والستري
وجنه مالها قياسي
مياهٍ تحتها تجري

 

[بدر عتيق الحربي]

"الحياه" اللي تذلك " للحياه"
ماتساوي شي بعيوني ابد
قال ابوي اللي موصيني وصاه
موت لكن لاتمد يدك لأحد

بدر عتيق

 

[بدر عتيق الحربي]

يابنت ياللي بآخر الليل تبكين
قدام شخصٍ وسّمته النذاله
شومي بنفسك عن دروب الرديين
من ضيع العفات واعزتاله
لايكسب الدنيا ولايكسب الدين
يرجع مضيع بالملا رأس ماله
يمناه من غصنك تبا تاكل التين
وان خلصت منها رمتها شماله
ينكر وجودك بعدها بالمزايين
طرده يشابه طرد رجله ظلاله
لكن توبي يابنيه وتكفين
درب الخطا والشين مالك وماله
ماينفعك بكره ليا حطوا الطين
يوم الرحيل اللي طويلٍ مجاله
بالليله اللي كلهم عنك مقفين
واخوك رمل القبر من فوق هاله
تسارعوا في حثة القبر يالين
خلوك وحدك لاابوك وعياله
والعاشق اللي قدمه الأمس تبكين
مشغول للمحبوب يكتب "رساله"

بدر عتيق

 

[رشا عرابي]

ﺍﻟﻤﺴﺄﻟﺔ ﻣﺎ ﻫﻲ ﺍﻋﺘﻴﺎﺩ
ﻭﻻ ﻫﻲ ﻣُﺠﺎﻣﻞ ﻭﺍﻓﺘﻘﺎﺩ
ﺍﻟﻤﺴﺄﻟﺔ، ﺇﻥ ﺍﻟﻤﺤﺒﺔ ﺍﻟﺼﺎﺩﻗﺔ
ﺗﺠﻤﻊ ﺷﺘﺎﺕ ﺍﻹﺑﺘﻌﺎﺩ

رشا