[ .. غـن لا ضاقت عليك الوسيعه غـن .. ] .. !!

[ضحى الوابلي]

[poem="font="simplified arabic,3,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من يروي أغصان الصحاري إذا غاب=عنها السحاب اللي يغيث الحطامي!!
سال العتب في طرف عودي ولاتاب=ذنبه عنيد وذنبي انّه غرامي
لهفة وحيرة من ورا صمت الأبواب=ومن دونهن شوقٍ يعاند منامي..!!

[/poem]
:

ضحى

 

[الهنوف الخالدي]

[poem="font="simplified arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black""]انت باكر بتعرف على ناس جداد=والكلام يجيك من كل شكل وكل لون
لاتحسب ان كل كلمه بتسمعها وكاد=ولاتصدق هرج شاعر وتخدعك الظنون
دايم اعرف ان(كل شاعر يهيم بكل واد)=وانهم دايم(يقولون مالايفعلون)
حتى أنا اللي قلت:اعشقك وماطيق البعاد=يمكن اطلع ماعشقتك ولاهم يحزنون!![/poem]

 

[ميسون الرملاوي]

ليه دايم أحتاج أسألك

وش فيك ش اللي زعلك

ليه دايم ردودك تكون

نظرة بمعنى ايش دخلك ؟؟

 

[محمد الغشام]

,

بدر اللامي يقول وقوف ..

ازرعك في تربة الخفاق ياعمري... حروف
... ... لين أشوفك تنبت وأقراء حروف اسمي.. عليك
وش عليك إن صاب شمسك.. يوم ياعمري كسوف
... ... دام أنا وشوفي وفكري ونبض خفاقي.. بيديك
في شراييني.. تمد جذورك وتحيا وتشوف
... ... كل ركن بداخلي كاتب على جداره.. ( أبيك )
من بعدت الله وكيلك.. في عيوني صرت.. أحوف
... ... صورتك.. واغمض عيوني عليها ... واحتريك
أرتجي شوفتك واحزاني على صدري.. وقوف
... ... كل حزن يصبر الثاني..... ويحلف مايجيك
طافت أيام وبقت ذكراك ... عيت لاتطوف
... ... وصرت فـ بلاد الحزن عابر... وكنت أنت المليك
أتحسس يارياح البعد.. من لاهبك جوف
... ... احتمي به عن سما فرقاك... وارجع واحتميك
والمصيبة ماهي بفرقاك... والفرقا تلوف
... ... خافقي... ولا غيابك لا غدى موتي وشيك
المصيبة لاوفت يدي.. وخانتني الكتوف
... ... وصرت أدورني ولا ألقاني سوى.. في راحتيك
أخنق العبره وأقول إن كل ما راح.. مخلوف
... ... وأثر ماخلف غيابك غير.. صورة ناظريك
صرت ألملم لك ضلوعي.. يوم حرص ويوم خوف
... ... لا تبور التربه اللي .. ساكنتها.. وجنتيك
وازرعك في تربة الخفاق ياعمري طيوف
... ... لين أشوفك تنبت .. وأقراء طيوف اسمي عليك

 

[الهنوف الخالدي]

[poem="font="simplified arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black""]وأنا مثلك مع ربعي يا [ كاظم ].. حيل مو مرتاح ..!=كأنهم بيد عطشانه .. وكأني بينهم [ واحه ] !


خذا بعض الأسى بعضي وبعضي وين منِّي راح ؟!!=وقلبي قاتله حزنه ( سَـ ـقَـ ـط ) ...مقتوله أفراحه !!


أجيهم .. نيِّتي بيضا ويجُوني في شكل أشباح !=لأجل راحتهم أتعذَّب .. عذابي عندهم راحه !!


تصدِّق ..؟!حيل متضايق خساراتي لهم " أرباح " ..!=ضحكت وكانت الضحكه من الصدمات و [السَّاحه] ..!!


إذا ربعك مثل : ( غابه ) .....؟!أنا ربعي مثل : [ مسباح ] ..=وأنا شخصٍ .. عجز يجْمَع ( نَثِر ) حبَّات مسباحه !


وإذا صارعت من أجل القرايب / قوَّة التمساح .....؟!=أنا حتَّى البعيد اللِّي يجيني / مااات تمساحه !!


زرعت الطيب في قلب " الحجر " وإستغرَب الفَّلاح ..=قفل حظي مع ( الفرحه ) .. ألاقي ويييين مفتاحه ؟!


تعب : لا كنت في ظلم السجون وضايع المفتاح !=معاك الحق لكن [ العدل ] .. ما فاد مصباحه !


عتب : لا صار يتبشَّر صديقك .. والألم صدَّاح=وعدوِّك كان في لحظة سقُوطك , تنزف جراحه !!


بحر ..يا موج ..يا شط الصداقه .. كنت لك ملاَّح=سفينه كان لك قلبي .. ولكن غدرك إجتاحه !


حرام : إن كان لي واحد وأناديه بـ إسم يا صاااح=مدامه " صاحبي " بإيده سقاني .. السِم بـ قْداحه !


سمعت إصياح من عين المراجل ...؟! إي سمعت إصياح ..=و [ طير المرجله ] في هالزمن متهلهل جناحه !!


( صديقي ) صار معناها بـ عيني .. واحدٍ " سفَّاح " ..=لأنهم أغلب أصحابي .. على الطعنات ذبَّاحه ..!


وفا شنهو الوفا ....؟! [ شَمعٍ ] كثر ما يشعلونه ساح !!=ورمحٍ يصنعه وقتي ( وربعي ) حيل رمَّاحه !!

يجي واحد مُنى قلبه .. يشتت فيني [ الأفراح ] !! =وواحد ضاق لو يلمح عيوني .. تنام " مرتاحه " !!

واحد قال للثاني : من المُهرهـ أبَشْرِك طاااااح=كأن بـ طيحتي يلقى السعاده ..و طفرة أرباحه !![/poem]

 

[صالح العرجان]

يا صاحبي كثرت علي الأماني
. . . . . . . . حتى أمتلا وجه الاماني تجاعيد

ماعاد أحس بتكتكات الثواني
. . . . . . . . و لا بحزن الموت و أرض المواليد ،،!!

 

[سكون]

لولا البكا ماينشرح خاطر ولاينزاح ويل=خل الكدر يطفي سعير الليلتين اللي خلت
دام العيون الليا اهملت تشفي القليل من الغليل=الله يبارك بالعيون اللي ليا ضقت اهملت
دمعة قهر تثبت لي ان اللي يحبوني قليل=ولاضحكه بوجيه ناس لي تضايقت انكلت
البارحه يوم الهموم تحط بالصدر وتشيل=والشاهد الله ماحبست بمحجري دمع وفلت
الدمعه اللي ماتهز صدور ربعي لاتسيل=اكنها مثل الجمر ولايقولون انزلت
اللي وهو مافزلي كنه محملني جميل=اجيه برجولي عشان اشكي له الحال ؟ اكملت
ماكل من شافك قوي يفرح ليا جيته ذليل=الناس لي من حست بضعف الشجاع استذلت
بعيونهم ببقى مثل ماللهبوب من النخيل=على كثر ماضامها صفق اللواهيب اعتلت
وشلون احس ان العذاب اللي على متني ثقيل=وانا ادري ان اللي تصبرني على الحزن وصلت
معشوقتي لاضاق صدري من ليالي الحزن ليل=ياكثر ماشربت معي من علقم الحزن وكلت
معشوقتي ما للفرح برجوعها يمي سبيل=الا مثل ما للربيع من الزهور ليا ذبلت
معشوقتي من عمر جيل ومدرسة مليون جيل=معشوقتي ورث السنين اللي تجلت وانجلت
اللي على كثر المصايب كل مافيها جميل=الناس لي كبرت تشين وذيك لي كبرت حلت
لامن تثنت للهبوب تميل اللي مايميل=وان مالت عقول الخفاف من الرياجيل اثقلت
كن الكلام بثغرها مجرى سبيل للسلسبيل=مسترسله لو ماضميت ولو ضميت استرسلت
تقبل على لون المسا لاجات مفتوله جديل=غصبن عن عيون النسا مايرمشن اليا قبلت
عشقتها لاني من اللي يعشقون المستحيل=صدقتها لانها لي قالت القول : افعلت
الترفه اللي تنطح الفريس وتفك الدخيل=ما الرجال اللي تحملني مثل ما استحملت
لو كل خلق الله ملو ماتمل وماتميل=لان الرجال بهالزمن قلو هذيك استرجلت
ان كان وقفتهم معي من باب مايخدم بخيل!!=هذيك ماهيب وقفت جنبي .. هذيك تبهذلت
خانوا وهي ماهونت عالو وعيت لاتعيل=تبدلت كل الوجوه وذيك ماتبدلت
لانه ليا عز الرجا ما للخليل الا الخليل=ماكد قرت في محجري قصة عن الحزن وسلت
كل الذي يجري معي يجري مع الطرف الكحيل=اليا رضيت ترضى عشاني وان تزعلت زعلت
تدوي بخفاقي دوي لين احيت الحلم القتيل=عشق بدويه لبدوي لاجت على البذل ابذلت
معها عرفت اني قوي حتى وانا مافي حيل=واعدها بمية خوي كان الهموم استفحلت
دام الشدايد تكشف بصاحبك معدنه الاصيل=ليت السنين اللي حدتني على الضياع استعجلت
الشدخ اللي تثبت ان اللي يحبوني قليل=ولا ضحكه بوجيه ناس لي تضايقت وانكلت
بنت ليا منك وقعت تشيلك من القاع شيل=ابرك من وجيه الرجال اللي ليا طحت جفلت


حامد زيد

 

[حنان العصيمي]

يجيك قلبي مندفع لك من أقصـاه
لامن بغيته بـأي حاجـه وجيتـه
ماكل شخصن يوصل اللي تمنـاه
وأنت بوجودي توصل اللي بغيتـه