.
.
.
هذي بقايا عطرها في يديني
... تفوح روحي كل ماعطرها فاح
صحّت جروح الذاكره في سنيني
... وانا احسب ٍ الود من ناظري طاح
جيت اتناسي وسقطت دمعتيني
... لولا الحيا جاوبت انا الدمع بصياح
أنا انذهلت بلحظة ٍ من حنيني
... وهِنا ذكرت ان الهوي طير ملواح
مابي علي هذا الوفا تشكريني
... ادري بكحلك من علي الخد ماساح
مابيك لاهزك غلا تذكريني
... ولاجيت أدوّر للخساير والارباح
ابيك في حق الغلا تهجريني
... ولفيّ بوجهك كل ماناظري لاح
قولي لشمس الوصل لاتشرقيني
... بشيل ّلك عن داجي الليل مصباح
قولي لغيوم الود لاتمطريني
... وقولي لهجير الشوق لك بردها طاح
قولي وقولي قدّري وافهميني
... مات الغرام ولا عزا لنبض الارواح
روحي فمان الجرح والدمعتيني
... قلب ٍ يضمّك بين الاضلاع ماطاح
.
.
.
آخر المشاركات
02-12-2008, 12:15 PM
بــــــقــــــايـــــا عــــــطـــــــرهـــــــا ...!!!
العرض الشجري