أسعد الله أوقاتكم
موضوع ينتظركم وينتظر صراحتكم جميعا
فـ كلّ زوايا هذا المتصفّح مليئة باللهفة اتجّاهكم
النصّ الاوّل ((يالبعيده))
كيف اباكتب والقصايد شمس والمهموم عاري
_______________كلّ ماهمّيت في فكرعصت وادمت يديّه
والمشاعر ماتعرف اللين وانصاف المواري
_______________جمرةٍ لوشربوها البحر وسط الروح حيّة
يالبعيدة لوعرفتي كيف لاهبّت طواري
_____________والحشا عن صدّ بعض الحزن ماله مقدريّه
الله اكبر كيف وطّى الودّ راسه للذواري
______________الخوي عقب المودّه صدّ واقفا عن خويّه
لاتقولي كيف مات النور وارمدت بـ نهاري
___________من عرفتك ماخبرت الصبح ولّا الشمس حيّة
يومها بيدي وانا اللي ماترددت بـ قراري
______________قلت: حرّ الصيف وعيونك وخلّيت المطيّة
كنت احسب اني لمست الغيم واتعبت المساري
_____________من كثر فرحي .. أعدّ خطاي وآسمّي عليّه
مير مافادت مع الفارس معاذير الصحاري
______________من قبل عذر الصحاري يرتوي بالمهمهيّه
لو عرفتي سرّ ضعفي فيك واسباب انكساري
________________ماوقفتي مع شقا ايامك ونزواتك عليّه
لوعرفتي كيف كنت اخسر وانا اشوف انتصاري
____________كيف كنت السيف والجاني وجرحك والضحيّة
النصّ لـ شاعر سنأتي بإسمه لاحقا بعد أن نرى تعليقاتكم ورؤاكم حول النصّ بعيدا عن الاسم والشاعر
فل نفترض كما ذكرنا بالعنوان بأنّ الشاعر عضو معنا في أبعاد أدبيّة ماذا كنّا سنكتب بـ صراحة حول النصّ ؟
باقة ودّ لـ كلّ من مرّ هنا
آخر المشاركات
09-27-2007, 04:59 PM
(( لوإفترضنـا )) _ دعوة لكلّ الآراء _ [1]
العرض الشجري