" وهــــــــــم " [ مصافحة أولى ] ..

[أحمد الهلالي]

السلام عليكم ورحمة الله وبركاته ..
بدعوة من العذب / سرحان أتشرف بمصافحتكم آل " أبعاد " ..

........
.
.

أخذني الليل ما شفتك ..
طواني في يديه وراح ..
وانا ما ادري ..
أثاريني طريد الليل !!
وعمري ما عشقت الليل ..
عشقني " هم " ..
واخذني في يديه وراح ..
وانا الإصباح ..
وفي غيّ الحزن أفراح ..
طلع وهمي بطر وغرور ..
وصرت .. اضحك ..
يا الله !!
صرت اضحك !
وانا الباكي على روحي ..
على آهي ..
على حرقة مواويلي ..
وانا اللاهي على وهمٍ ..
تشعشع في الكرى مصباح ..
لكنه بلا رحمة ..
طواني في يديه ، وراح .
..
أمل بسمة ..
تهادى في الوريد احلام ..
دحر وحشة شراييني ..
سقاني التوت ..
واسقيته دواويني ..
وغنّاني ..
على لحنه تنامى القلب ..
غصن وشتلتين أنغام ..
مسح وجهي سلام ، أجمل من النظرة ..
ودثرني منام ..
ورتّل أحلامي على عمره ..
غرقت بلجة الوردي ..
غمرت برقته يدي ..
على وجنة تسابيحه ..
أذوق الدفء ..
واحس الرمش يحضني دفاه ..
ويندثر بردي ..
ويسبق صحوتي بجنون ..
يا الله !!
يسبق صحوتي بجنون ..
ينسج فوق وجه الحلم صفعاته ..!!
ويمطرني أبابيل الحروف عناد ..!!
،
يا الله !!
تمنيت السبات يعود ..
توسلت الصباح يجود ..
رماني للظلام وعاد لسباته ..
أنا الساذج إذا آمنت باحلامي ..
وانا وجه الغبا المشرق ، إذا انجريت لاوهامي ..
وأيامي ..
.
.
.
تعنيت ودخلت الصبح مثل النور يا قلبي
……… أثاري الصبح ما يشرق إذا وجه السما شاحب ..
سكبت الآه في كم الصباح ، وعدت متخبي ..
…….. أفتش في خطاي احلام ماتت في رجا الساكب ..
وهمت ، ويا قساة الجرح ، إذا صار الوهم دربي ..
……… وانا فارس كسر سيفه على مفرق وعد كاذب ..
سنابل روحي انقضّت شحوب ونثّرتْ حبي
…….. على قسوة ضروس الوهم بعد اقفاية الصاحب ..


.
وانا الصاخب ..
أنا الشاحب ..
ولا غير الألم عندي ..
تصومع في الخفوق ايام..
وصار الناسك الراهب ..!!