[ برود >> أبـعـاد << كاست ]

[صالح العرجان]

مدري لـ شنهو ؟؟
( موعدي )
و
(انتظاري )
مادامت أيامي..
قليلة
(محاصيل)

 

[صالح العرجان]

هلا باللي نسي صوته بأذني البارحه ..
و عوّد ،
يبي يسمع معي كل الكلام و يعترف ..
زيي !

هلا به كثر ..
ما آزوِّد غرامه ..
و المحه زوَّد !
هلا به كثر ما يلعب ..
بـ حسبة وقتي ،
و غيي !

قبل لا آقولّه جاك الخفوق ..
بـ ذمِّتك : جوِّد ،

سبقني !

وقالّي :
جوِّد خفوقي ....
يا بعد حيي !!

 

[صالح العرجان]

الرجل مثل الغيم .. والطيـب .. همـال
لا طاح .. تجتاح العفـن .. قشعريـره

أفرض : لو أني مخطي .. بكل الاحـوال
ما تشفع ..؟! الخوّه .. وملح ٍ .. وجيره

متن الوفا بالطيب .. يا كـم قـد شـال
يا وجه شفت الشك .. الأسـود يديـره

والكلمة اللي .. حدت الرمـي .. شعّـال
مات الوفا .. فيها .. وفـوّح .. عبيـره

 

[صالح العرجان]

اجمل (الدرس) وجهه..منورٍ ماطفى
.........واشطر (الفصل) رمشه..رغم انه كسول..!!

تحت رحمة عيونه..ان سجن,,او عفا
..........وان حكمني (مؤبد)..مالي الا المثوول..

 

[صالح العرجان]

مرات يكتبــــني معه بأول البيت
ومرات ينســـاني وياخـــذ كتـابه

علـّقـــني بحلمه وانـا ماتمنيت
إلا أنـــــا وياه نصــف السحـابه

مهما يكون أحلى العتب فيه سويت
ومهما يكون أغليه لو صـك بـابه ... ؟!

 

[غاده]

،،
صباح عيوَن ماتدريْ .. وش الظاهر / عَن المكنونَ
و صباحَ عيونْ تدرَي بي : قبل أحكيَ و أسولفَها

،،

 

[صالح العرجان]

ما عاد باقي لك مشاريه وعــــتاب
ما دام بالعشـــرة عتاب ومشاريه

( ان كان هذي فعلة احباب باحباب
ما عاد باقي للعـــــدو ما يسويه )

ما ارضى بعيش الحب في شرعة الغاب
الله .. ولا عشـــــق .. جلب ذل راعيـــه

شمس الغلا غابت ! وبدرالغلا غاب !
يعني نهار الحب يشبه ليــــــاليه!!


:

 

[صالح العرجان]

لا تمد يدين وصلـك للحسافـه
ما بقى فيني على الأشواق حيل

كان فيني قلب قبل أعلن جفافـه
كان فيني روح وأشجار ونخيـل

كنت أرواد كل حلـم ولا أخافـه
كنت أسولف عن بلوغ المستحيل

عاد تدري كل هذا الشوق تافـه
عقب راح العمر وعيوني تخيـل