,,: أمـانتي وسط أضلعكـ :,,

[لوعة الشوق]

السلام عليكمـ ورحمة الله وبركاتهـ


أولى أوراقي هنا وآمل ان تنال الاعجاب بين هذا الزخم الابداعي فما انا الا كاتبه أُلبي رغبات الحنين والذكريات والخيال ألاا متناهي الابعاد ..


أمانتي وسط أضلعكـ







ياسيدي صبرك علي مانيب جاي أودعكـ
ومانيب ناكر لك وفا ولا نيب ناكر لك شعور


:


السالفه ياسيدي بي شي جاي يسمّعكـ
عرق إنتهض بي من غفا وأشعل بهالاجواء نور


:


كوّن من اللاشي شي من دون مايتوقعكـ
وأرخيت لك من خاطره حبال وأضواء وحضور

:


حلم الأماني يرسمك / كف المنايا يصفعكـ
من دون ماتنطق شفا يلعب بي المكتوب دور


:



وأجيك دمعه مزمنه وأتحمّل القسوه معكـ
ياسيدي هات الألم ميّت تراني من شهور


:


كل مانزل بك واقعي كفه وكفه ترفعكـ
ألقاك من وسط العمر باني لك من العشق سور


:


مسكين ياعمرٍ شقا, يا دنيتي ما أبشعكـ
وأزريت أزرع في قفا صحراء قاحلةٍ بذور


:



وأسقيتها من الدمع دم , جوعتني لجل أشبعكـ
ماكنت حاسبها أبد تخلق لي امن الزور زور


:



بغيتك امن الحب حب جواهري وأرصعكـ
وأسقيك من شهدي ولا أنشدك عن باقِ الأمور


:


حاولت في حزني يغيب / عن غدر حظي أمنعكـ
حاولت مير اللي حصل ماينطلب فيها مشور


:


رباه جيتك ما أبي سوى خضوع وأركعكـ
ورفعت لك كفي بلا نقصان وإجحاف وغرور


:



إنت العليم بحالنا جيت ولحلمك طامعكـ
من شد وقع اللي حصل أطلبك تجبير الكسور


:


الصدر ضايق يالغلا والآآآآآه توصل مسمعكـ
والدمع يغرق بالنظر والأمر مكبوت امغمور


:



طوفان من بعدي يجي دونه أجي لايشلعكـ
وأرد في يدي ضرر فدوتك ماجا من شرور


:



ياسيدي قبلي رأيت ظل كـ عمري يتبعكـ
أو إنه بعمرك حصل سمعٍ وطاعه من غيور




:


،
،
،

:







كلما جرحني خاطرك على الجروح أشجعكـ
كلما صدى صوتي وصل تفوح لوتسـ/ـتي عطور


:


مدينتك روحي غلا وعروقها شوارعكـ
حياتي امن اول نفس لآخره جسرك والعبور


:


أحب فيك الحب لكن .. كلمتي ماتنفعكـ
لاصار مكتوبٍ فراق إبعدة أوراق وسطور


:


ياسيدي قلبي ترى أمانتي وسط أضلعكـ
مهما طغا بي هالزمن / مهما حوتني هالدهور


:


والحين ياخلي ترى غصبن علي بودعكـ
ومن غير ماتهمس شفا يعلب بي المكتوب دور



,

,

,




لكم كل الاحترام
لوعة الشوق

24/1/1429