قلت أحبك !!

[تركي المعيني]

؛


جيت في صدري من أنفاسك زهور
تستمد الطل من ثغرك زلال

قلت أحبك وابتسم فوق السطور
زهرة اللوتس وأغصان وظلال

صارت الأوراق من أسمك عطور
وأنتشى حرفي وعانقه الكمال

أنتثر ضيّك وعم الليل نور
في زوايا الحي واسراب الخيال

من عطيتي الصبح في خدك ظهور
والسحابه تمطرك حسن وجمال

مذهله! في طلتك رهبة حضور
فاتنه! والسحر بك مضرب مثال

مستحله عرش ( ربّات ) الخدور
في جمالك في كمالك في الخصال

كن وجهك له مع القمرا جذور
في نقاءه في صفاءه في الجلال

وكنّه الرمان في صدرك يمور
والشفق كنّه على شفّتك مال

والعيون اللي بها الظلما تحور
والقوام اليا اعتدل كنه غزال

اعشقيني واعتقي بصدري طيور
راجفه تبغي السكينه والعدال

قلبي اللي عن هوى غيرك كفور
ما تولّى لشطر غيرك بالدلال

ناسكٍ صلّى على حسنك شكور
واعتكف في كعبة عْيونك و آل !!




شعر/ تركي المعيني


!