رحلــة التكويـــن...!!

[سعد معيوف]

[POEM="font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=0 line=1 align=center use=sp num="0,black""]وحزنٍ ينغمس فيني عبث ويعيدني للطين = وأتمرغ بصلصال الوجود وأنفث اقداري

ثمان شهور والتاسع أغيَر رحلة التكوين = وأترجم مضغتي للجاهلين بلكنة اشعاري

وجودي يعني الروح وغيابي يعني التخمين = اذا غبت (أتخلَق )غيمتين وتسكب امطاري

فراغات النوافذ يالهواء هي خلتك تنـين = وترميني فزع واتلاحقك يا صرخة جداري

نبض فيني وطن/شبه الوطن يستكثر التهجين = أغسَل له صباحات العمر وامشط اسفاري

اغني له ولائي وانتمائي رغم عني لين = يقابلني بنكران الوجود واحزم اعصاري

لان الملح في عرفي شرف ما يقبل التقنين = اذا ذاب يتلاشى كوكبي ويطيش مسباري

قبل لا تحلق الشمس بصباحي بسرق جناحين = وألمَك يا مساي وارفض التطبيع بافكاري

سترت اللي سترت ولا اتحمل من غباك الدين = ولا اقبل بتلويحك وفستان العرب عاري

مشيمتنا يخالطها تمرد يعبر الحدين = مشيمتهم يخالطها تجرد يقذف اسواري

لذا ربيت صوتي للسنين وقلت له بعدين = ورميت بإلتفاته للوراء وسالت اعذاري

وجيت اهرب بجينات الفزع واسربل الكفين= واستنشق بقايا موعدي واطير ازهاري

يا حزني لا تفززني عبث وتعديني للطين = لان مابي كثر مابي وجود يقبل اقداري[/POEM]