عـز.. الخوي

[عيسى غالب العنزي]

[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يـا هاجسـي دامـك بــراس نـايـف ومـدهـال ذيــب=مــا يسـكـن الـرجـم الخـلـي الا .. عـديـم ودمــوي
مطلوب من بعض العرب للموت في بطن الشعيـب=والمـوت قسـمـه مــن نصـيـب الـلـي ذراعــه يلـتـوي
مــا جيتـنـي عـابـر .. سبـيـل ولا تخيلـتـك غـريــب=الا مــن عـظـام الظـهـر وعصـابـة الــراس الـقــوي
يــوم الله الـلـي مـيـزك عــن غـيـرك بطـبـع عجـيـب=وصـاك مـا تسـري مـع الهبـوب والــدرب الـضـوي
مـن قـال لــك لا تــارد .. البـيـر المـوالـي للحـريـب=الـــــرزق مـــــا هـــــو مــنـــة ذات والا مــــــن ذوي
وش يمنـع الضامـي ليـا منـه وقـف فــوق الجلـيـب=ما ياخذ .. بحبـل ودلـو .. ويسـوي سـوات بـدوي
لا صـار .. كبـده مـوقـده واطرافـهـا تلـهـب لهـيـب=امــــا يــبــل عـروقـهــا .. والا يــمــوت ويـنــطــوي
قــال المـثـل اسـئـل مـجـرب قـبـل لاتـسـئـل طـبـيـب=صـيـد امــس خـلـه للـثـعـل لا يـطـبـخ ولا يـنـشـوي
ولا تلـتـفـت لـفـتـة جـريــح يـــدور الـــرزق الـقـريـب=مــن لا ســرى مــع الغـيـوم السـاريـه مــا يـرتــوي
يالـلـي تـهـرول هـرولـه والـنـوم مــن عيـنـك سلـيـب=خـلـيــت درب المـسـهـلـه لــلــي بـجــلــده مــنـــزوي
مـا كنـك الا .. يالخـوي مذهـب ورايـح لـك ذهـيـب=كل مـا طـرت لـك كايـده تاقـف علـى الظلـع تعـوي
وان لـدت عيـونـك عـلـى راس الطويـلـه والصعـيـب=رحـت تعـدي كـن الصعـب يعطـيـك دافــع معـنـوي
مــا تسـمـع الا همـهـمـه قـدامــك وخـلـفـك نـحـيـب=والــلاش ثــوب المرجـلـه بالـسـوق والـــم وشـــروي
الــدرب يوميـلـك ومــن شــرواك فـالـه مـــا يـخـيـب=ما فـات مـات ليـا متـى يـا صاحبـي وانـت جلـوي
وانــا خـويـك لا بغـيـت لــك مــن الـعـالـم صـحـيـب=اجيك من حيث انتهـى الرجـا .. وليـا عـز الخـوي
باسي شديد .. وليا رقيت الظلـع وبراسـي قنيـب=اماسـي رجـوم الخطـر واعيـش عـمـري فـوضـوي
ما خفت من طعن الصدور الخوف من طعنة كليب=لا جــات مــن يمـنـى صـديــق وكـيـدهـن الانـثــوي
وان كثرت جروحي وشفـت الشمـس ألـت للمغيـب=اضرب على الكايد عسى تبـرى الجـروح وتنكـوي
ما دمت اخيل الغيم داني والمـح الغصـن الرطيـب=كـلـمـا تـهــزه ريـــح اشـرلــي عـلــى مـــا يـحـتـوي
كنه يقول ابشر .. على ما تشتهي جاك النصيـب=خـذ مــا تيـسـر واسـتـرح والــزاد دونــك مسـتـوي
دام الــجــروح الـمـؤمـنـه صـيــورهــا لازم تـطــيــب=الصبـر .. مفتـاح الـفـرج والمـجـد للعـقـل الـسـوي
[/poem]

عيسى العنزي