يقولوا عيد - الصفحة 2 - منتديات أبعاد أدبية
 
معرفات التواصل
آخر المشاركات
ادعوهم بأسمائهم (الكاتـب : عبدالإله المالك - مشاركات : 0 - )           »          من خطواتهم نعرفهم! (الكاتـب : جهاد غريب - مشاركات : 0 - )           »          على السكين .. (الكاتـب : عبدالله السعيد - مشاركات : 1 - )           »          و شَعْرِي جَنّ ... (الكاتـب : ضوء خافت - آخر مشاركة : عبدالله السعيد - مشاركات : 10 - )           »          !!!!! .....( نـــــذرولـــــوبــــيــا ) ..... !!!!! (الكاتـب : خالد العلي - مشاركات : 159 - )           »          جُمُوحُ العَاطِفة (الكاتـب : محمّد الوايلي - مشاركات : 1780 - )           »          ما لا يمكن أن تكتبه الآلة: بين لهب الشعور وبرودة الشرارة! (الكاتـب : جهاد غريب - آخر مشاركة : سيرين - مشاركات : 1 - )           »          فواصل شعرية ( 3 ) العيد (الكاتـب : نوف الناصر - آخر مشاركة : خالد العلي - مشاركات : 17 - )           »          هلوسات شاعرة ..! (الكاتـب : نوف الناصر - مشاركات : 11 - )           »          في المقهى .. ؟ (الكاتـب : سيرين - مشاركات : 4484 - )


العودة   منتديات أبعاد أدبية > المنتديات الأدبية > أبعاد الشعر الشعبي

أبعاد الشعر الشعبي بِامْتِدَادِ الْلهَجَاتِ ، شِعْرَاً يَحْكِيْنَا .

 
 
أدوات الموضوع انواع عرض الموضوع
قديم 10-22-2006, 12:01 AM   #1
صالح الشادي
( شاعر )

الصورة الرمزية صالح الشادي

 






 

 مواضيع العضو

معدل تقييم المستوى: 0

صالح الشادي غير متواجد حاليا

افتراضي يقولوا عيد


(سلام الله على الأوطان )
_______________________

سكون..
ولاضجيج إلا صراخ أطفال باكستان..
ومدافع تقصف (الجيران )..
وجوع يصيح في السودان.

هدوء..
وثكلى مالقت جثت ولدها..
وطفلة تنزع أظفار المنايا روحها..
وتهجر مهدها.
وصداع يهدم الجدران ! .

سلام..
وناس تنام ..
وناس مالقت مرقد ثلاث أيام..
وعين تودع الفرحة ..
وعين تعانق الأحزان.

سلام الله على الأوطان .

(*)

بعد أيام عيد الفطر..
تهانينا بعيد الفطر يا أهل العيد .
تهانينا بنهار الزاد والسكر ..
وطعم العيد .

يقولوا عيد ..
وأقول الله يعين العيد ..
إذا هو بيحتفل فينا ..
وحنا مو معاه .. بعيد ! .

يقولوا عيد ..
وأقول أرجوك ياجاري ..
تحمل كشرتي لوما قدرت أكْذب صباح العيد.

ولو ماقلت لك مبروك
وجيتك حامل همي على وجهي ..
بلا ضحكة و لا تغريد !

وش التغريد ..؟
لاصار الظهرومكسور ..
ولاصار الفرح محذور
ولاصرنا وسط حزن الفراغ ندور ياجاري ..
وش التغريد ؟! .



وش التغريد ..
وانت مو جسد واحد ..
كثير أجساد!
بعضك في يد الجلاد
وبعضك في هرب وطراد
وبعضك عايش الغربة
وبعضك عايش التشريد ياجاري ..
وش التغريد ؟!

تجاوز كذبة التغريد والالحان ..
تجاوزني ..
وتأمل وش يصير الآن ..؟
سلام الله على الأوطان .

(*)

تعالي ..
وين حضنك وين يا الراحة
تعالي..
واخطفي هالياس من حضني .. ولميني .

تعالي ..
وامطري فوق اليباس اللي فدع فيني
وخذيني فوق بهطولك..
ألين الشعر يضويني.

أبيه العالم اللي مابعد شفته ..
أبي وجه الزمن الأبيض ..
وحلم مابعد عشته ..
ولا متعت به عيني .

أبي صبح مثل وجه الحبيبة غير ..
يسابقني عليه الطير ..
يبعثرني ..
وأبعثر به دواويني .

أبي أرتاح من دوامة التفكير في التفكير
من الساعة ..
من الواقع .. من التفسير وأوجاعه ..
وأبي أرتاح من نفسي ..
ومن ويني !؟ .

تعالي ..
وأدري إنك لوتجي ، بيخونك العنوان
لأنه مابقى عنوان للراحة ..
ولا انسان ..
سلام الله على الأوطان .


رمضان1426هـ 2005

 

صالح الشادي غير متصل   رد مع اقتباس
 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:42 PM

الآراء المنشورة في هذا المنتدى لا تعبر بالضرورة عن وجهة نظر الإدارة

Powered by vBulletin® Copyright ©2000 - 2025, Jelsoft Enterprises Ltd.