بعدي الأول ...(( قصــــة الجرحــــيــــن ))

[سعيد الموسى]

المشاركة الأصلية كتبت بواسطة غالية زهر

بسم الله الرحمن الرحيم
هذه اول مصافحة شعرية لي في صرح أبعاد الأدبي
وارجو من الله أن تحوز قصيدتي المتواضعة على اعجابكم
****************************************

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنا ياعمر .. وش باقي على حتفي سوى جرحين؟؟=وكم ببقى على عهد الرجا اللي كان يحكيها؟؟!!
حكاية دونتها صورتي ... واغلى دموع العين =كتبت انت بدايتها ونسيت بقلبي تنهيها...
حلمت ف لحظة اني..بكتفي من دنيتي باثنين..=شتاتي.. واحتضار الأمس في زحمة رجاويها..
وهمت النفس برجوع الامل مع رجعة المقفين =ومات احساسي الغافي..بصحوة كنت ما ابيها!!
أبسال ياعمر.. وش ذنب صادق لو كوته سنين؟؟=نطر منك السعادة وباع هالدنيا... ومافيها!!
وصدّق غصب عن عينه.. فرح بعيون كذابين!!=تأمّل من ورا قلبه... وعاش أوهام ناسيها...
جحد .. كل الطعون اللي عرفها منك هالمسكين=وبرهن للعذاب.. انه أصيل وماغدر فيها!!!!
دخيلك ياعمر...قلي..من الباقي من الباقين؟؟=ووين اعذارك اللي كانت .. أولها وتاليها!!؟؟
ووين اللي رسم حلمي وحلمه في ( صفا قلبين)؟=وخلاني أعانق فرحة أيامي .... واهنّيها؟؟!!!!
هذاك..اللي تكوَّن في حنيني..وانكر التكوين!!=وغفَّل فيني احساس الخيانة وقال...(خلِّيها....
أبيها تحتويني..واحتويها..وخلنا طفلين...=بنلعب بالمحبة..واكتوي بالشوق..واكويها)!!!
ملكني .. وامتلكني.. وماسألته من متى؟؟ ولوين!!=بنوصل.. ولا بنضيِّع؟؟.. بتجمعنا مراسيها؟؟؟؟!!!
حسم أمر الشكوك .. وريَّح افكاري من التخمين..=غلب..كل احتمالاتي.. واجبرني أخطِّـــــيــــها...
عيونه تنطق الفرقا وهذي المرَّه الألفـــيـــن!!!!!!!=صدمني وياما سامحته...وصدماته أداريها...
حرمني لذة الراحة...طعني لين قلت آآآآميــــــن..=ومع هذا تجاهلت اللي فات وقلت....عدِّيها...
وكني ماعرفت انه نذل..يلعب على الحبلين!!=وكنه ماكذب..ماخان آمالي..وهقاويها!!!
بيتركني؟؟وانا ماكنت أحلام وأماني حين...=انا دمت الغلا.. واطهر وفية مايوفِّيها!!!
يقولوا الدنيا خوانة... ترى حنّا اللي خوَّانين=نكابر..نظلم الدنيا..ولانرجع نواسيها...
طلبتك ياعمر..تكفى..تريحني من الصوبين..=طلبتك ياعمر..خلك بصفِّي منك..راجيها..
أبي ارتاح من أمسي..ومن باكر..ومن هالحين=وأبيك تساعد أيامي...تراضيها...وترضيها..
وبنسى كل عنا الماضي...وبدفن ((قصة الجرحين))=ولاببقى على عهد الرجا اللي كان...يحكيها....
حكـــايـــة...ماتت ببسمة امل وبفرح يملا العين=كتبت انت بدايتها....وانا اللي قلت أبنهيها[/poem]

تحياتي...
غالية زهر,,,

غاليه / نرحب بك في ابعادك .... وسعيد جداً باانضمامك للأبعاد ياشاعره


أهلاً وسهلاً بك ....


...



هذا النص ينبأنا بحضور شاعره كفيلة بإثارة الحرف والتلاعب المفرده ...


حي أهلاُ ياغالية ومرحبا بك ِ يانقيه .... بحجم إبداعك



...


احترامي

 

[عطْرٌ وَ جَنَّة]

غَاليةُ الْزَهرِ ,
اسمُك شِّعرٌ ..
ونُوركِ يعمّ المكان ..

- أهلا بكِ

 

[حمد الرحيمي]

غالية زهر ...





أهلاً بكِ في أبعادكِ الأدبية ...




نصٌ يشي بحضورٍ سيكمل عناقيد الضوء المتدلية في أبعادنا الأدبية و سيشكلها بلون [ الزهر ] ...

 

[ندى القحطاني]

وعليكِ من الرحمن جنائن الرحمهِ والتسليم
هُنااا مُتنفس ياسمينهً بياض
تُمارس صنع سلاسل عطريه ل تُقلدها عُنق غمامه ذات شعر ..
حضورٌ أول يجعلنا في شوق ل معانقه الزهر
وحيّ بك أهلاً كثيره يا نقاء

 

[ميــرال]

هذاك..اللي تكوَّن في حنيني..وانكر التكوين
ــــــــ وغفَّل فيني احساس الخيانة وقال...(خلِّيها....
أبيها تحتويني..واحتويها..وخلنا طفلين
ــــــ بنلعب بالمحبة..واكتوي بالشوق..واكويها)!!!



جميله ياغاليه زهر هذه الجراح كانت قريبه وصادقه جداً
واهلاً وسهلاً بك بيننا
ولنا منك~ شعر يستحق الإنتظار
كــ هذا النص الــ بعيد عن التعقيد والقريب للقلب

 

[شاهَه]

[ حسم أمر الشكوك .. وريَّح افكاري من التخمين ]
سلسه وتمسح بـ كفيها القلب ، لاندري حين يكتبنا الجرح كيف لها ان تسردنا الحروف بلا كلل !
اهلا ً بك يا غاليه وزهر لهذا الحضور المُرهف
تقديري ..

 

[عبدالرحمن الزهراني]

مرحبا بك وبالجمال القادم بين حروفك ..

تحياتي ..

 

[غالية زهر]

المشاركة الأصلية كتبت بواسطة عبدالله العويمر

غاليه

حُضُور يُنبئ بالنّور القَادِم

نَص جَمِيْل

أهْلا ً بِك ِ وبِنُورك

استاذي...عبدالله العويمر
سلمت ... ودام احساسك
واتمنى ان أكون دائماً عند حسن الظن بي وبكتاباتي
تحياتي...