مصافحه أولى.. هذا شعوري

[صالح العرجان]

المشاركة الأصلية كتبت بواسطة محمد بن حليلان

السلام عليكم ورحمة الله وبركاته..

يسعدني الإنضمام لهذا المنتدى الشامخ والعامر بمن فيه.. أتمنى أن أشارككم بما يفيد الذائقه والطرح..

هذه مصافحه أولى أتمنى أنها ترقى لما يصبو اليه القلب..

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وقت الموادع والسفر جات ساعته=وداعة اللي ما يضيُع وداعته
باآودعك وانا معي شوق شايله=في وسط قلبٍ سود الأيام لاعته
وعينٍ تهل الدمع من جور حزنها=هلت عيون اللي مفارق جماعته

بآقولها لك مثلما قالت البشر=الحب من فرقا الحبايب صناعته
ولا أنت إسمك من غلاك ومعزتك=داخل محاني الصدر تمت طباعته
إن جاع قلبي من وصالك وشوفتك=ما غيرك إنسانٍ يعوض مجاعته
فرقاك داء اليوم قلبي يقاومه=وشوفك دوى دايم يقويُ مناعته
في عالم علاج الحبايب وطبها=أنت العلاج اللي يحقق نجاعته

طمعت قربك لكن الوقت مارحم=ظالم وتعرف وش تسوي بشاعته
عيش فؤادي وحشة اليأس والقسا=الين ضيُع في المواقف شجاعته
جيتك غني والفرح كنه بضاعتي=وسافرت خالي الوقت ضيع بضاعته
علم الوداع اللي من اليوم قصته=إجعل رسول الهم ينشر إذاعته
طفلٍ ولد من عالم الحزن وأرتما=في خافقي عايش مراحل رضاعته
في ليل كله خوف ودمعٍ يقابله=وصمت المشاعر ما أقدر أوصف فضاعته
وأنت تعرف كيف البطا يجلب العنا=في حزة التعذيب يظهر براعته
لكن على الله صبرنا وإتكالنا=اللي قبل دعوى النبي وشفاعته
بصبر الين القلب يحظى ويقابلك=وآشوف أنا نور الجبين ونصاعته
هذا شعوري قبل ما أرحل وأغادرك=يامن مشى قلبي على أمره وطاعته[/poem]

وسلامتكم

ياموادعي والقلب جالك يعاهدك
............................لو طال بعدك ما يغير قناعته

ما أنساك ياللي علمتٌني مشاعره
....................كيف الغلا في القلب تنبت زراعته




محمد بن حليلان

دلة القلب يفوح هيل الغلا بها وتصب لك فناجيل الكيف فنجال فنجال

صح لسانك وصح فكرك

 

[خالد العلي]

غني انا بالقراءة هنا
،،
،
محمد بن حليلان


اهلا بك
بانتظار كرم آخر منك

دمت بكل الخير

 

[خالد صالح الحربي]

*
وَ في تمام السّاعَة الـ 7:12 من توقيت هذا النّص ،
أُعيد هذا البحر الميّت [ الهلالي ] إلى الحَيَاة من جَديد وَ نَشِيد .
ليسَ فقَط كقالِب بل كـ مضمون أكثَر من جميل حبكاً وَ سَبكاً .
شُكراً وَ أهلاً بكَ وَ بما جئت به يَا محمّد .

 

[محمد السالم]

مرحبا يا محمد

مرحبا يا صديقي

مرحبا بالشعر

ومرحبا بالمقدرة الرائعة بنسج هذا الشعر على هذا البحر الذي لا يجيدونه إلا الكبار أمثالك

 

[محمد بن حليلان]

الأخ الشاعر

محسن الشاهر..

صح بدنك ولاهنت يالغالي ..

والله يبقيك ويطول عمرك..

أسعدني هذا التواجد.. والمرور..

لك التحيه

 

[محمد بن حليلان]

الأخ الشاعر مشاري بن جدلان..

صح بدنك ولاهنت ..


شرفت وسعدت بتواجدك ومرورك لا خلا ولاعدم

 

[محمد بن حليلان]

الأخ الشاعر محمد بن طواله..


صح بدنك .. ولاهنت ..


أسعدني هذا التواجد .. والإشاده الله يسلمك..


لك التحيه

 

[محمد بن حليلان]

الأخ عبد السلام السهلي..

صح بدنك .. ولاهنت يالغالي على مرورك الكريم..


مرورك إثراء للقصيده..


تحياتي