في زحمة الـعشق .!

[محمد يسلم]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
في زحمة العشق قال القلب: خذني لِك=تأتي في هيئة نسم؛ واشم غربالك؟!
اذكرك يا قِبلة الحبّ و ألبّي لك= واذكر تفاصيل جيدك و اذكر إخلالك
واذكر فتِنتي فْ طريقة مَسْك منديلك=في المرة اللي لمحتِك تربِك رْجالك
انظرك و انته تناظرني... وغُمزي لك=اتعض لي شفّتِك -واذووب- ف اختالك !
اذكر بعد مُوقَف المقهى -وتسطيلك-=جيت وركنت -الكورلا- هْناك عدالك
طولت ع ميحد... وانا أشّر و اهدّي لك=ما كَني الا أقلِّك زد من اخبالك!!
اذكر بعد فـ المطار ايدي تومّي لك=وفاجأتك اني ف كُرسي الطايرة اقبالك
ذاك اتصالٍ وذي ضحكة و ذا ميلك=علّمت فيني الهدوء شلون يغتالك!
أمتصّ جلد الحزن ..لا ينوي تكبيلك=وازرع فرَح عا حساب الهم واسعالك
اذكر حصيرك و دلّتك ومعاميلك=لا جِيتْ -رُكن الحديقة - ينسكب هالك
اذكر وش اذكر بعد وش عاد يمديلك=بعض العلوم.. احسن اقفل بابها لْحالك
لو تبغي اسرد مواقف... ما ببقّي لك=من دمعٍ بجفن عينك..يجرح كحالك.؟
اخاف باكر يجيني مضمحلّ ليلك=ما غير احبك.... واداري خفقة اظلالك
مريت من جنبي البارح أغني لك=يا ليتك أرفقت -فالخزرة- بعض بالك
كان الكلام ايتأرجح صمت يشكيلك=كان الغرام الـ.رّميته صدق متهالك!
حسيت قلبي يبي يطلع و يمشي لك=و حسيت روحي تقلّه اركد اشوى لك
الليل يعزف على جرحي مواويلك=والصمت هنّى الغياب المُغدَق الحالِك
النجم ضفّر جدايِله ف مداهيلك=حتى الفضا قالها: ماعدت افضى لك
ذوبت صدقي...في عالم كذبة ابريلك=قمت آترنح ما بين -اهلالك- و لالك
جدران حُلمي.. تكسِّر حِلمي ابويلك=طوفانٍ أسوَد علا صُبحي من افعالك
تحت الثرى ساحَت اكفاني سرابيلك=حتى الرمَق قطرته تسألني: اش مالك؟
نفسي عطشها عذوبةْ ود تَمري لك=نفسي تعرّت من الزيف الذي جالك
لا اتشك من بعد ما هزيت لي ذيلك=بانه تغير بعض مما آتمنى لك
ابغاك تدري تراني دوم أدعيلك=نبتي أصيل و تناسى مجمل أعمالك
الله يشهد بأني صدق أبغيلك=كل السعادة مثل ما كنت ابغالك!!
[/poem]

11/2006
.
.

م/ي