أمانه ياوطن صِح .. به !

[ناصر بن حسين]

/
\



بسيطه ..
مُناها الرقي لمستوى ذوائقكم ،




انا والليل وسهيل اليماني .... مع نكادة ( حال ) !
ــــــــ حيارى ، ننسج خيوط السهر ، نتوشح الغربه !

يمر الوقت ماسك في يديه إمن الوله ..... أطفال ،
ــــــــ ألاقيني امامه .. ودي أحكي : ثم أغرر .. به !

يقولون : الوفا وإن ذبلت اغصان العمر / لازال !
ــــــــ وأقول : آنآ وفائي للوطن ( حُكامه .. وشعبه )

بلادي ، ياصباحات الحنين المكتسي ، بــ آمال !
ــــــــ بلادي ، يامساءات الحلوم ( الندّر ) . العذبه !

بلادي : سنديانة ، تشبع أصدور المكان / إظلال !
ــــــــ بلادي : شمعدانه إرتمت في حضنها ( عشبه )

بلادي : لحن ، أنشوده ، ترانيم ، ومطر همّال !
ــــــــ بلادي : نور ، نوير ، ونوافير ، وسُبُل رحبه ،

بلادي : شمس حاكت من تجاعيد الفيافي ، شال !
ــــــــ بلادي : غيم : ذاب الزهر في ديمومه وسكبه !

بلادي ، ( أب ) روحه سلسبيل ومنكبيه / جبال !
ــــــــ بلادي ، ( أم ) كفيها الغيوم ، وحضنها التربه !

بلادي يابلادي ياااااااااا بلادي .. والهموم إثقال !
ــــــــ بلادي ، وأبتعد طفلك وضاق ، ومالقى / لعبه ؟

بلادي ، وإنهمر من شمع عينه دمعتين .. وقال :
ــــــــ كبيرة حسرة إللي مغترب ياموطني ، ( صعبه )

على جالك غفى طفلٍ صحى من داخله ... رجال !
ــــــــ جمع لك شوق وأخفى أمنياته ، في وسط عِبه !

رفع لك رايته واستوطنت فكره ( بعض أطلال ) !
ــــــــ قبل : ماتضوي اشموع الطفوله ، ناصية دربه !

تغذآ حبك .. وصار الولاء إفـ هيئته .. ( تمثال ) !
ــــــــ يضم الصدر ... ويسيل الغرام . ويرتوي قلبه !

بنى من لهفة أنفاسه ( أمل ) .. متخالطٍ برمال !
ــــــــ وتمتم له ضميره [ شب نفسك ] . وإبتدا شبه !

بلادي : مو حرام اللي يحبك ، يلعق / الترحال ؟
ــــــــ بعد ماهو لقى في ( نون عينك ) زاده / وشربه

تمنى ينفض إغبار .. الظروف القاسيه : مااحتال
ــــــــ عسى شرقه يشيل إفلول حزنه عن وجه غربه !

يمين الله .. مامال الغلا لك ... لو يميل / عقال !
ــــــــ عدد من طاف .. ببلاد الحرم ... وأستقبل الكعبه !

مدام الهم فاض ومالقى له .. في بحوره : جال !
ــــــــ أجل : وش خانته ( جالٍ ) بكت من غيبته / غبه !

يجوز الوقت ( يرحم ) من تغشّاه الصبر وإن طال
ــــــــ ولكن ياترى .. لو مات ( صبره ) قلي إش ذنبه !

جسد .. ضاقت به كتوف اللقا واستنزف التفصال
ــــــــ مناته ( رجعته لأرضك ) أمانه ياوطن صح / به ،




بس .. نَ !