على هامش عمق أنثى جموح

[أنثى جموح]

صباحهـ ...

,

اختلفنا بنْتلاقى الصبح وللا فالمسا ؟؟!!
واحتدم شيً نسينا بعده إنــا في غرام ,

ااااخ من ذاك الكلام ....
من بعد ما كان ( أحبك ) آخر الليل وسلام
صار صمته مع سكوتي خلطتي عند المنام
وارتخت فينا سهام ......

لا التقينا فالصباح وْ لا التقينا في مسا
هاذنا في عزّ نومي ما يصحّيني هيام !!

 

[أنثى جموح]

تخيّل بس
تخيّل كم أنا اتخيّل؟
وكل ما حلمي الموجع يداهمني
يدمّرني
يشتّتني
ولدموع القهر سيّل...

تـــدري وش الــلــي يــجـــرح الــقــلب تجريح؟
.............................. انك تضحّي لْــ قــلـــب , بــاكــر يــخــونــك

تدري وش اللي يْــزيد في الــهـــم تــبــريـــح
.............................. انـــه يــجـــيـــك يــقــول : ( لا ما أصونك )

ويـــكـــمّــــل الأســـــبــــاب ويــقــــول لا تْـــصـــيــح
.............................. مـــا يــــدري ان الــمـــوت يــســـكـن جــفونك

تــــدري كــثـــر مَ الـــروح تــســبـــق لـه الريح
.............................. كــثـــر الـــدمــع لا طــاح واكــثـر شــجـونـك

والــــوقـــــت فــــيــــه ألــــوان رســمــه لو تْطيح
.............................. فـــي هــــالـــهـــوى يـــنـــشــــاف حـــبّــه بِلونك

والناس مـا جت يوم مع صدق تصريـح
.............................. إلا إذا فــــي شــــي : كِـــــلْــهــم يـــجــــــونــــك

الــــعـيـــن فــيــهــا لــوم , واللـــوم مـــا يـزيـح
.............................. عــن ذا البياض اللي سـكن في عـيـونك

والقلب فيه النبض .. والنبض ما يبيح
.............................. ســـــــدّه عـــــلـــــى مـــــا مـــرّ طــيــفــه بــكونك

واعلم تــرى الـــدنــيـــا ســـوات الــمـــراجـيح
.............................. مــــــــــره تـــــجــــــي ويـــــاك ومــــرّه بــــدونـــــك !

حكي واحكيه ع الفاضي
وومضات النجم تاضي
وأحس إني مع اسرار العشق توّي
وزيّ الورد
ذبل قبل السقا وانهدّ
تعب من لعبنا بالنرد
وشي ماضي !

 

[أنثى جموح]

نشرت في جريدة الوطن
بتاريخ : 9 ديسمبر 2010

وفي جريدة الشرق
بتاريخ : 14 ديسمبر 2010

 

[أنثى جموح]

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

لم أغب , لكن شمساً بي تغيب لحظة
يوماً , سنه
لكنها حتماً تعود !

 

[أنثى جموح]

 

[أنثى جموح]

البارحه
لما أدقّ
قلبي يدقّ ...
ماهو توتّر أو حزن
فرحة نجاةٍ للغريق
اللي انكسر !






اللي حصل ماهو حلم
ما هو خيال ...
واقع بـ آخر مطافي يبتديك
انته بس , لو يلتقيك
تجمعه ثم ينتثر !






ما ينتهيك القلب لو هو ما حضر
وصلك وصال الروح يبقى له أثر
كله قدر
كله قدر !






والعين ما فيها منام .. وما رضت عنك تنام .. وْ مالقت فينا كلام .. وراحت تزور الأنام .. علها تلقى سلام ..
آوصلّه حدك ..
وأكتب على خدك ..
انت البشر !

 

[أنثى جموح]

من قطرات مطر شتاء 2010

،

،

من اول ما بدا هالبرد وعيوني تبي تحكيه
ويزجرها عرق قلبي بعد ما ذوّب أركانه !!


تلحّفت ب غلاه اسنين واسنيني بعد ترجيه
عسى لو بس يناظرها ولو لحظه بأعيانه !!


تمنّينا تحالفنا حظوظ .. و تلتقي لوجيه
ونتناسى شقا هجر (ن) رسم لونه بقيفانه


سقا الله والعمر حالي قبل يرحل وانا ابكيه
قبل لا كمّل المعنى كسر جذعي واغصانه


وعلّمني على شوقي وانا شوقي وش ابغي فيه
مدام اللي رحل ماله أمل يرجع لخلّانه ؟؟!


على مرّ الليالي صرت أتلذّذ وانا اشكيه
لأوراقي وخصلاتي وجملة ( ماني نعسانه ) !!


سؤال(ن) حيّر اجفوني وأعياني وانا مدريه
ولكن بسأله للبحر .. علّ يْجيب مرجانه !


وش الأسهل على العاشق إذا صار العشق يحويه
يبدّل قلبه ب خالي ؟ أو انه ينسى عنوانه ؟؟!


وش الأسهل على الراحل إذا بعده بعد يجفيه
يغيّر إسمه الحالي ؟ أو انه ينكر أوطانه ؟؟!


جِمَد قلبي وانا تْحرّى على حالي " أنا أبغيه"
ويزجرني عرق قلبي بعد ما جمّد أركانه !!!

 

[أنثى جموح]

أنثى جموح :

بسم الإله المنزل لـْ كلّ البشر أعظم كتاب
.......... أبدا بيوتي يا هنا حرفي إلى حاور طلال

يكتب قبل ينطق ولا تلحق تسكّر فيه باب
.......... الله يحَفظ اللي كتب صيته رسى فوق الجبال

طلال المحياني :

بسم الذي يغفر ذنوب العبد كان العبد تاب........
نبدا على وضح النقا والشك يا العرّاف زال

ترى حلاه الرّجْلِ يِنْشد ويش ودّا ويش جاب..........
وانتي هرم يالغاليه واحس في قلبك سوال

أهلاً ولا تكفي طلالك ما لقى عندي حساب
.......... ودّي تقول اللي طرا واللي خطر عندك فِـ بال

همي أسولف بالشعر ما همّني كثرة عتاب
.......... إقلط ولا تلقى مردّ إلا من اعلوم الرجال

يالجامحه دام البقا ياسيد تلعاب الرقاب..........
واللي خطر واللي طرا محفوظ يابنت الحلال

ماتلحق الشكات كود اللي حصل فيه ارتياب..........
واهل الوفا عاداتهم تبقى ولو الوقت طال

أشهد بأنك يا وفي ترقى على هام الصعاب
.......... والوقت لا ضاق الصدر نادى لك بإسمك تعال

إشهد على عزٍ سكن في داخلي له يا شهاب
.......... إليا تمرّ بْـ ليل همي خبّر اسهول وْ تلال

كلمه وتارسها العسل مخلوط معها سم داب..........
لكنها تمشي على شان الحسن ويا الدلال

اثر البلا فالعين ياللي تحسب إنه فالنقاب..........
وهمك نشيله كان همك كسّر ظهور الجمال

إسمح لي بْ كلمة (وفي) , لا جبتها لك في جواب
.......... أقصد بها يا ((وافيٍ عهده)) ويا ((طيّب وصال))

شكراً ولا تكفي حمولة همّ ولا تكفي نصاب
.......... قدرك على قدري علا يا زين فعلك والخصال

لا تعتذر دامك صواب وكل ما قلته صواب..........
يا معرب الجدين مابين العمومه والخوال

انت القراح وغير الانثى فالحقيقه هو سراب..........
ياكبر قدر الجامحه عندي بعد جالي مجال

مدري كذا ماني على بعضي وبي لمحة ضباب
.......... احترت نحكي في فروسية عرب وللا قتال

وللا نخصص جوّنا لاخبار أبو نورَ وْ رباب
.......... نتبادل ألوان الشعر من صوت ذكرى أو نوال

ماني بحاسب للخطر ولا لمنع الاقتراب..........
عنتر حضر يالجامحه واسقاك من شقر الدلال

جوّك معَ جوّي مشى والشر يالمجمول غاب..........
دام القمر حاضر معي مالد عيني للهلال

توّي عرفت اني قمر يا زهرة أيام الشباب
.......... يا حسرة أيامٍ مضت من دونها قُصْر الفعال

كم ساعةٍ ضاعت سُدى ما ينذكر فيها عقاب
.......... كم جلسةٍ مرّت ولا فيها سوى قيلٍ وقال

ليتك سألت مرايتك يمكن تجاهلت العتاب..........
خل التحسف يالغلا ما قدمك الا طيب فال

ياهل الحكي بعض الحكي فيه العجب فيه العجاب..........
مثلك يجيبه صادق الدعوه وصدق الابتهال

واسمح لي بـْ ختمة محبٍ طالبٍ حسن المئاب
.......... ينصحْكِ من أجل الحياة الآخره ما هو لمال

اسأل عن اللي يسألك وصلٍ ولا تكشف حجاب
.......... السر لا لا تفضحه وابعد عن ارخيص المقال

لا تجعل الماضي سوى حكمة عقل فيه اكتساب
.......... واترك بقايا سيرة المقفي على سور النضال

هاذي بيوتن خاتمه للي بديناه احتساب
.......... الله معك , بس يحفظك / يبعدْك عن شر الهزال

يجمعْكِ بالجنه مع المحبوب مع خير الصحاب
.......... آمين ِ صلي ع الرسول بْـ عدّ ما تحصي رمال

وسلامتكم