هات لي قصيدة وعلاقتك الـ شعريّة معها

[باتل عبدالعزيز]

ولنفس الشاعر ايضا ً :




لا تحسـب المسافـه بيننـا بالمسـافـه
المحبـه تقربـنـا .. وتشـبـك يديـنـا

والغلا وان بخل .. ماهوب معلـن جفافـه
لا تقـول انتهينـا .. تونـا مــا بديـنـا

عوم فالحب .. وش عندك تناظر ضفافـه !
لا تخاف ، الغلا فينـا ، ومنـا ، والينـا !

ياحسافه .. تخليهـا كـذا ، يـا حسافـه
شوف كم قلب ميت غيـض ، ممـا لدينـا

كل ليلة بدونك ، بيـن بـرد .. وصلافـة
حبني من كلام اهل الكـلام .. شـعلينـا !

كل عاذل ، معْ وصولك .. يحين إنصرافـه
والقوافي تحاصرنا .. ليـا مـن حكينـا !

والشعر .. يا بعد وزنه وبدعـه ، وقافـه
والله إنّ أبدعه وأطربـك .. مهمـا حيينـا

في يدينا .. نسوي شي .. من شـي تافـه
كل حاجه بعد ربي .. تـرى فـي يدينـا !

ليه نخجل .. من الاحساس ، والكل شافه ؟
وليه لا من درت عنا القلوب .. استحينـا ؟

وليه اخاف اعترف ، بأن الجفا منك أخافه ؟
وليه الايام .. تقتـل كـل الاشـواق فينـا

ودي ارتاح .. من قلبـي وكثـر إرتجافـه
وودي انـك تحـس ، وماتقـول انتهينـا !

و ودي اسهر واذا ماكـان فيهـا كلافـه ،
بلغ الشمس .. حنا مع بعـض ، لا تجينـا



*

 

[باتل عبدالعزيز]

الثالثه ثابته :


ماشفت شخص يحب .. من بد هالناس
الا يقـول .. الله يلعـن أبـو الحـب !

الحب ! ماتنفع معـه .. قـوة البـاس
يحيّي قلـوب ٍ ميّتـه ، مالهـا طـبّ ؟

ترى المشاعر والهوى ! مالها قيـاس
يصرعن من يجهل ( ويصرعن ذا اللب )

ياصاحبي ! لو كنت صادق ! وحسّـاس
في هالزمان ، اللي كذا ! .. مالهم رب

صارت احاسيس المحبين .. قرطـاس !
وتكتب بها كم كذبه إليا الهـوا .. هـبّ

الحب ! .. تعريفه ، ( حبيبين و إحساس )
الحب نعمه : بس مانعرف نحبّ !!

 

[باتل عبدالعزيز]

لحفظ الحقوق : القصائد الثلاث اعلاه
للشاعر محمد المسعري : شاعر صغير بالسن ومبتكر وجميل للغايه

ايامكم شعر

 

[سكون]

المشاركة الأصلية كتبت بواسطة عبدالعزيز رشيد

لـ [سليمان المانع]
قصيدة كنت قد حفظت أحد أبياتها فبتّ أبحث عنها في كلّ مكان ولم أجدها إلا بعد سنتين وبعدها أدركت بان القصيدة كانت تستحقّ ذلك فعلا

هذي ثلاثيني تعدّن وحسيت
ـــــــ لوهن تعدّن داخلي ما تعدّن
هن ذكرياتي لو جهلت وتناسيت
ـــــــ الله كم ودّن وجابن وودّن
وكم غنجت لي وهنفت لي وعييت
ـــــــ غبا بدويٍ يزعجك لا تمدّن
وكم عاندتني في جنون وتحديت
ـــــ عزومي رغم ما صابني ما تردّن
ويوم أنها قفت أنا قبلها أقفيت
ـــــ لاهي وعيوني وين ما أهب لدّن
رسمت بحروفي غزالة وناديت
ـــــ بالرحب يا ذيابة حنيني تغدّن
أحيان يشرب كل كل الظما بيت
ـــــ وما همني لو كل الأيام صدّن
تقول تفهمني وأنا أقول يا ليت
ـــــ عسى الهجوس المخطيات يتقدّن

تسلم هذه الذائقه وهذا الاختيار لشاعر الاحساس /سليمان المانع


مازلت اردد قصيدته
من لبّـس عيونـه ظـلام المدينـه
وهو الفضول بنظرته مالهـا أبعـاد
يغوص بـأوراق السنيـن الحزينـه
وميعاد يولـد كـل مامـات ميعـاد
بعثر علـى درب الامانـي سنينـه
تضحك عليه بـلاد ويلـوذ ببـلاد
ليا ظمت ذكـراه ..يمطـر حنينـه
وتغرق ملامحهم ولاينقـص عنـاد
وين الامل ويـن السعـادة ووينـه
يقـوده الوقـت الرمـادي وينقـاد
تلطخـت فـي دم شعـره يديـنـه
وصار الزمن شاهد وقاضي وجلاّد
قابل بشين العمـر مـن دون زينـه
وهو الذي في ماضي الوقت زهّـاد
اعشوشب ظـلال المدينـه بعينـه
علمه بشمسه (تسع) والباقي مهـاد
يلمس علـى الخلـوه بقايـا سنينـه
ويدلي على بيـر الهواجيـس ورّاد
تنسل من ضلوعـه أغانـي دفينـه
تقرا بعيونه..شايبٍ ينـدب أمجـاد
يحق النظـر يرفـع بعـزّه جبينـه
ويشـوف بكـره مثقلالـه بميـلاد
ترجـع لوجهـه ..طلتـه ياسمينـه
وترقص على صدره مشاهير وأجياد
يفتـح عيونـه ماتـحـدّه مديـنـه
يرسـم مـن الاول لنظراته..أبعـاد

 

[عبدالعزيز رشيد]

منوّرين كلٍّ بنوره وروحه
بجد توسّدت روحي قريب من اللي جبتوه (":

 

[عبدالعزيز رشيد]

لـ : سعد بن جدلان
شاملة , شايعة , تفوح بالأصالة البسيطة .

[poem=font="simplified arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ون بن جدلان من لايع لاعه = كن في كبدي دوافير صناعي
العب المنكوس واحب روباعه= ممن بالوقت والوقت خداعي
مادريت ان ضحكة الوقت خداعه= شفت مدخالي ولا شفت مطلاعي
لابغيت اسج والا انبسط ساعه= دق قلبي من ورى حدب الاضلاعي
كن من بين الضلوع آلة طباعه= تشتغل لا نمت واقوم مرتاعي
هم صدري مايفرق تجماعه= غير جر الصوت والناس هجاعي
فاقدن لي سلعة واكبر بضاعه= سلعة تشرى ولا هيب تنباعي
رفقة الطيب الا غير اطباعه= اشهد انها كية توجع اوجاعي
راكب اللي صممه راعي صناعه= جمس بيك اب من حديثات الأنواعي
الوحيد اللي فريد من انواعه= حوض رفرف مايبي شد واشراعي
لاأنس البنزين عجل تفرقاعه= مخطر من سرعته يقلع اقلاعي
لا تحرك شفت في الارض مشلاعه= التواير تظهر الماء من القاعي
ينعش القلب الحزين ابتمهلاعه= لامشى قام يتمهلع تمهلاعي
لا ضرب بأرض العتش كن تهزاعه= بنت شيخ طامحه من ولد راعي
في رجا الغايب ترجا لمرجاعه = تنقد العشاق وتطق الأصباعي
نفسها من جملة الخلق منصاعه= ماتبي الا واحد ذكره يشاعي
لانه اللي يكسب الطيب بذراعه= الرفيق الصافي الصامل الواعي
الفخر والطيب ساسه ومنباعه = يوم بعض الطيب تقليد وصناعي
فلا لفيته فأخبروني عن اوضاعه = وأخبروا راعي الجمايل عن اوضاعي
وانشده ويش السبايب من اهزاعه = لا علي ناقص ولا بيه فزاعي
ودنا نرضيه ونحاول اقناعه= كان(ابن مهمل)بعد يسمع الداعي
كان يبغي الحق للحق قطاعه = نلزمه والحق ماعنه مجزاعي
وكان مبغض فالرجاجيل بتاعه= لايجي ناقد ويلحقني ارياعي
للرفيق انخلي الناس خضاعه = مانوريه الجفا والتمطاعي
الصداقه عندنا ذخر واطماعه= رفقة ماهي برفقة تمتاعي
حد جدتها على البرق لماعه= وان خذت يومين مفعولها ضاعي
فلا أطرد المقفي الى سفط اشراعه= ماهبل اللي للمقفين تباعي
ان تجمعنا على العز والطاعه= وان تفرقنا فجوج الله اوساعي
ومن يحط اذنه على كل سماعه= جاه فرقا ماوراها تجماعي
والزباد ختام هرجي ومطلاعه = يرفقه من ريحة المسك ذعذاعي

[/poem]

 

[حاتم منصور]

للشاعر [عبدالرحمن البلوي] قصائده مميزه وبإذن الله سأطرح لكم منها الكثير
فهذا الشاعر استمع إليه منذ صغري ولازلت مغرم بروائعه

(الجروح قصاص)

[poem=font=",5,darkblue,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""] الهبايب اعطت انفاس المطـر صبـر وجـلادة=وخلت انفاس الغدير تموت بايمـان وسكينـه!
علموها كل ما اقفت ليه انـا اعيـش بسعـادة=ماعلى الفرقى ملام ولا علـى اللقيـا مدينـه!
ماتضيق صدور تنبـت فـي مفاليهـا … ارادة=ماعليها من الجراد وهـي سنابلهـا دفينـه ..
بعض خلق الله تحسب حساب لايـام القـرادة!=ماتغامر بالسنين وعمرهـا .. تفنـى سنينـه!
والبنادم لـو خلقـه الله عبـث مابـه عبـاده=وكان ماسـنّ الاوائـل … للبنـادم مايعينـه!
صاحبي والسبت دينن للأحد .. والسبت عـاده=لا تشبث بالذهـاب وعودتـك ماهـي ثمينـه!
والمرار احيـان يبقـى سكـره حالـي زيـاده=لمن يعرف يذوق طعم الأجوبه عقـب الغبينـة!
لاتأسف وانت تدري بالأسف … وش هو مراده!=شخص ياتي بعد وقت ومشرطه قاطـع يدينـه!
ضمد جروحك وخلك .. من دوى فاقد ضمـاده=الجروح قصاص .. واللي مات له ثكلى حزينه!
تبكي عيوني عليـه وطفلهـا بسـن الـولاده=مات ابوه وماخسر غير … الملاذ .. بوالدينه!
عـود عيونـك تنـام بـلا قـرار ولا وسـاده=وانت تعرف ليه انا .. لا نمت احلامي سجينه![/poem]

عبدالعزيز شكرا ً لك على هذه المساحه الرائعه
لقلبك

 

[عبدالعزيز رشيد]

لـ : عبدالرحمن الرشود _الله يرحمه_
منطقه المعهود في الأمور الجديّة كان يعجبني وكيف به لو قال ذلك كلّه في قصيدة ؟.

[poem=font="simplified arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

متناقضيـن انـا نعـرف الحـق لـو نتجاهـلـه=نذخر محاسنـا و معاصينـا لهالشهـر الفضيـل
نصـوم ترقـى خشعـة الارواح لأعلـى منزلـه=نفطر فوازير و اغاني و هات يـا الليـل الطويـل
يا حرصنا .. نستفتي اهـل الذكـر بأتفـه مسئلـه=ويا طيبنـا لـو نعمـل بمـا علمونـا لـو قليـل
يا مدنا اللـي فـي بقـاع الارض جالـه زلزلـه=يا زيفنا اللـي حيـر بسبابتـه ( عبدالجليـل )*
احتاجنـا فـي ضيقتـه عـود زمانـه بهـذلـه=حاول يلامس جودنا بصك و عصا و صوت ذليل
اربع بنات مقعدات .. فقـر .. و بـلاوي متلتلـه=و الام عميت و الهموم اعيت بـي الجسـم النحيـل
1000 التقاعد .. قاااطعه زيف تفرعـن و أذهلـه=يا هيـه : ممنـوع التسـول لا تحـط ولا تشيـل
طرى على بالي ((جحود ستان)) صحت و قلت له :=وش حلل المعـروف للقااصيـن ؟ واعياهالدليـل
المشكلـه هاللـي تفرعـن كـان اصـل المهزلـه=جيته على الجرح و تلعثم و انزوى هاك الصهيـل
يامـا تسـوول للبعيـديـن بشـعـار السنبـلـه=و يـا مـا تجرعنـا و عانينـا بـرده للجمـيـل
لا يـا الدخيـل المنتمـي مـا للضميـد إلا هلـه=و مال للسواقي الطافحـه بالسلسبيـل إلا النخيـل
و مـا للذنـوب إلا الله الرحمـن عطفـه نسألـه=يالله بعـفـوك لا تواخـذنـا بهـفـواة الهبـيـل
و يالله صيـام رغـم تجريـح التناقـض تقبـلـه=يـا واسـع الرحمـه تولانـا بهالشهـر الفضيـل

[/poem]

* سائل طرد من أحد المساجد.