السلام عليكم ورحمة الله وبركاته
اخواني واخواتي أعضاء هذا المنتدى أتشرف بالانضمام اليكم وهذه أو مشاركة لي معكم أتمنى أن تنال إعجابكم وتحوز على رضاكم .
سراب في رحلة عذاب
سراب
يسكن في حبات الرمل
لما تكوني لي أمل
ويكون دربي في الهوى
رحلة عذاب
بين الشموس اللي أشرقت
ترسم عذابك
في ملامح رحلتي
وبين الخطى اللي وطت
تتبع سرابك
في متاهة غربتي
صحراء سقتها دمعتي
يوم اختلط دمعي ... بحبات الرمل
كان الحبر دمعي ... والصفحة الرمل
تخيلي
في كل لمحه من سراب
كنت أتبعه
أرويته بدموعي عذاب
يتجرعه
يا قسوتي
بس الألم أقسى
يا ليتني أنسى
في بعدك ... المرسى
ليت القلوب اللي تحب
تروى ورى هذا التعب
ليت الدروب اللي تطول
تلقى نهايات الفصول
ضاع الأمل .... واللي حصل
إني لقيت في كل حبه من الرمل
صورة سراب
و إنتي فأوقاتك غياب
أبسألك ياللي قتلتي بسمتي
وتاهت على دربك خطوتي
ليه صوتي يسبقه راجع صداه ؟
ليه شوفي يوصل لأقصى مداه ؟
ما خانتك شمس الغروب
ولا لفح وجهك هبوب
ولا رويتي من ظما
ولا عطشتي من قلوب
ياللي تركتيني ...... جروح
مامره مرتك ..... الجروح
ياقاسيه وقتي يروح
واليأس في دربي .... يلوح
ليتك عرفتيني ... غياب
ليتك تبعتيني ... سراب
ليت اللي أعطاك الجمال
أعطاك من قلبي غرام
يومك تكوني لي محال
أكتب على صمتي كلام
ما أصعب الحب السؤال
ما أكذب الحلم الظلام
حبيبتي
ياصحرا غطاها السراب
كوني في هجيري .. لي سحاب
تعبت أسافر لك ألم
ما عاد تحملني القدم
كانت مسافاتك وهم
يومي عرفت
إن الخطى ... تتبع سراب
وإن العطا ... رحلة عذاب
أخوكم : مروان الحربي
آخر المشاركات
02-08-2007, 05:04 AM
ســــــراب في رحـــــلة عـــــذاب
العرض الشجري