(( ذيب شمّــر )) طلال الرشيـــــــد

[محمد العايد]

]






(( ذيـــــب شمّــــــــر ))

[POEM="font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
(عيــد ٍ على أي حال ٍ عدت فينا ياعيـــد)؟؟ = زي ماانت!! لوعـة حسافة واختنـاقة تعب

لي اربـــــع سنين حزنـــي غصة ٍ بالوريد = ابلعــــه جمـــــــــرة غبينة واتنفس لهـب

الــدمع من ربكته يظهـــر شـــــوي ويحيــد = أثر.. أوجع الدمع.. دمع ٍ ماتعدّا الهـــدب

لا والله.... الحزن سيّــــــد والمشـاعر عبيد = استوطنت مهجـــــتي وانا خيالي خصــب

أورق بصدري غصن حرفي وفاح النشيــد = والشعر فيني كذا..... ولكل قصـيدة سبب

من يوم مات الحشيم المستقيـــــــم الفريـــد = أطيب هـــل الارض واعرقهم مقام ونسب

من مات مامات !! ذكره كل يــــــــوم ٍ يزيد = رغم انــه الموت في صدق الوعد ما كذب

له في حنايا الخلايق مجد عشــــق ورصيد = نبض العــــروق بغلاه من الغـــلا مانضب

طلال ((والطيــــب يومن شح فيه الوقيـــد)) = أشعل فتيـــــــــله وكسّر له ضلوعه حطب

طلال يوم انتخن باسمه بنـــــــــات القصيد = جدّد صبـــــــاهن ولبسّــهن حرير وذهب

على النوايف ابـــــــــو نواف عزمه شديد = ذقنـــاه للطيــب نبع وللشهامــــــة مصب

متربع فــــ مجلسه مجــــــــد ٍ قديـــم ٍ جديـد = مقدمه لفـــظ ٍ ذهب واخره صدر ٍ رحب

حر ٍ مضّرا لصيـــــــد الطيب والطيب صيد = الطيب ماينعطا الطيب يوخـــــــذ غصب

سرى سرى ذيـــــــــب شمر مالقاله ضـديد = عــدّا رجـــــــوم المكارم والشيـــّم والادب

رقى بفعله تقــــول انه تعـــــــــــّلا وحيـد = هام االسحـــــــاب وتعــــدّا للنجوم وقرب

عجز يطوله لقب من كثـــــــــــر ماهو بعيد = ماهــــــــــو بهذا الذي يلحـــق فعوله لقب

ماهي بلحية لقب بس قل .... طـلال الرشيد = الجــــــود ينزل سحابـــه والمراجل تهب

ياالله.....يالواحد الفرد العليّ الحميــــــــــــد = يامنــزل الغيث فينـــــــــا يامزيل الكرب

يامستجيب الدعــــــــــا يالفـــــاعل لما يريد = اغفـــــر لعبــدك ويسّر له حساب ٍ صعب

ظلّه بظـــلّك وهــــب له عيشٍ عزّ ً رغيد = انت الكريـــــم العضيم الجزل يامن وهب[/POEM]

محمد العايد
رفحــاء

1428هــ

 

[محمد السالم]

رحم الله ابو نواف رحمة واسعة

وبيض الله وجهك على ذكر هذا الرجل الابيض اليد

الذي شهد له من عرفه


القصيدة تزن ملايين القصيد والمقصود فيه يزن ملايين الرجال

 

[خالد صالح الحربي]

:
ألْف رَحْمَة للرّمْز : طلال الرّشِيد .
رَغْمَ أنّ مِثلَهُ لا يَمُوت وإن غَيّبَ جَسَدَهُ المَوْت .
وَ شُكراً لك يامحمّد .

 

[علي أبو طالب]

طلال الرشيد

رحمة الله عليه.

 

[عبدالعزيز رشيد]

الله يرحمه ويدخله جنّات النعيم
محمّد العايد ومعاودة لذكر الطيب بالطيب
ألف شكر لك

 

[قايـد الحربي]

محمد العايد
ـــــــــــــ
* * *

يكتب الرثاء بـ ثراء الشعر والحزن
ولأنّ المرثيّ عظيم الحياة ، كان موته و فقده
و رثاؤه الأعظم .

شكراً لوفائك يا محمد
و لحضورك الوفيّ .

 

[سلطان ربيع]

رحم الله ابو نواف رحمة واسعة
واسكنه فسيح جناته .

محمد
يعطيك العافية .

 

[اورنس الهذال]

الله يرحمه ويسكنه فسيح جناته

وصح لسانك يامحمد

قصيده طيبه

ولطيّب

سلمت وسلم نزفك

انتظر القادم بشوق