[ الـسّـــاحِــلْ ]

[عبدالله العويمر]

على المرفأ بقى المركب حزين وخاطره مكسور

............................................تمسّك في حبال المرفأ....ووْخوفه تراتيله

واشوف البحر يصرخ ، والنوارس حالها مذعور

.............................................تقبّل وجنته مرّه...ومـرّه تـنـدب الحيله


حزين الصبح00والساحل تنهّد00عادته مسرور !!

...........................................وش اللي صار للساحل تسابق للحزن خيله؟!

ذهولي00دهشتي00غابت صباحات الأمل والنور؟؟

............................................إذا هذا الصباح ، الله يستر وش هي الليله؟!


ومديت النظر نحو السماء وصوتها المأسور

..............................................ابـا تأمل...ولكن البحـر زادت مواويله!

جرحت البحر بالنظره؟ سؤال بداخلي ، ويدور

...........................................قبل ماانطق سؤالي ...حارسه جاني بتأويله


وباح الساحل الوافي وبيّن خافي المستور

..........................................وانا حزني يسافر بي ....وانا حزني أناديله


جريح البحر من حربة سحاب أقفى00وهو معذور

.........................................بعـد ماآمنه00خـان الـسحاب وبان تنكيله


تخيّل 00كثر مامد البحر من كفّه الميسور

.......................................كثر ملحه أخذ منْه السحاب أعذب تفاصيله

عطاه العذْب يحسب هالسحاب يْقول له مشكوور

........................................ويعطـيه الغـلا لاجار وقـته في مقابيله

ولكن السحاب أقفى00بقى بحر العطى مقهور

...................................يشيل الملح في جوفه..ضـمـاه اغـلى محاصيله

يسولف للمراكب عن حكايات الألم والجور

.....................................عن كفوف الأمـاني يـومها صـلّت وتدعيله

وانا ماغير اضمّه واتنهّد ، وابكي المغدور

...................................واسولف للمرافئ عـن حـكاياته ...وتـبـكـيله


عرفت الحين ليه المركب اللي باقي ٍ (مكسور) ؟

...................................عرفت الحـين ليه البحـر وامـواجـه تراتيله؟

أتمتم بالإجابه00وانحنى راسي00بدون شعور

..................................مشـيت وقلت ابـاصل قـبل مـاتاصـل لـك الليله