قراءهـ أخرى .. ومحاولة تنفس فاشله !
.
.
أرق
أرق
هذا الوجود المحترق ..
بين السنابل والعرق ..
والمحبره وشوق الورق
انقضى عمري وانا ..
واقف على مفرق طرق
ما تاهت الخطوه أبد ..
وشلون ضيعت المسار .. ؟!
وشلون بعيوني الامل ..
طاول شموخ الانهيار .. ؟!
وذيك العيون اللي سرت ..
بين الهوى واللي هوى ..
ماعاد لي فيها قرار
كانت جمال ..
كانت خيال .. !
حاولت وبشتى الطرق ..
بنظره منها تنسرق ..
بغفلة الحظ الردي !
تفرد ملامح هالأرق ..
لكنها قد ابعدت ..
قد اختفت ..
خلف القدر..
.. خلف العمر
وصحّت بعيني جمرة ٍ
لاههي ذرفت ..
ولاهي طفت ..
ولاهي ترق ...
ولاهي ترق ..
وكلما ينبت على ..
نظراتي برعم من أمل ..
من قبل مايسكن عيوني ..
يحترق .. !
يحترق .. !
يحترق .. !
ماهومهم / .. !
فارقت اغلا الأمنيات ؟
ماهومهم / .. !
مفقود على قيد الحياة ؟
ماهومهم / ..!
أنا عرفت ان المهم / ..
اني عرفت ..
بإن لــذة هالحياة / .. العيش لما بعد الممات
وماضاقت الا بتنفرج ..
ومابعد حزني العظيم ..
الا فرح مثله عظيم ..
الله كريم ..
ياحب علمني الغرق ..
بغبة بحر اغلى العيون
اللي على كلي تمون
نتفق / مانتفق ..
ماهو مهم ..
المهم أو الأهم.
إنا أبد مانفترق .
ومثلما يصعد على ..
كتفي ملامح من أرق
خطوه بخطوه / نتفق
وكلما تسقط على
السكه لنا زفرة عرق
يسقط أرق ..
يسقط أرق ..
أرق ..
أرق ..
أرق ..
أرق ..
آخر المشاركات
12-31-2007, 12:48 AM
أرق .. أرق .. أرق .. أرق
العرض الشجري