أمنيـــــــــــــــات الطيـــــــــــــن

[غسان الحكيم]

(( أمنيات الطين ))


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أخلط أوراق المصير بهوجة الحظ الردي = واسحب آخر أمنيات الطين في الأم العطوفه
,
,
يا عسى حوت القدر في جد جده يقتدي = واانا بدعي بقول يونس لا سكن في جوف جوفه
,
,
و الحقيقة إني بشر ماني نبي يحمل هدي = غصب تكسره الهموم و ما يلوم إلا ظروفه
,
,
كنت هايم في هوى نورٍ يآنس مرقدي = يطرب عيوني بحلمٍ يلتحفني من طيوفه
,
,
كانت أطهر ما شربت و ما تحسست بيدي = يمكن أقسى ما يذوب إليا ضرب قلبي دفوفه
,
,
لا تثنّت تنثني معها ضلوعي و اتغدي = عازفة بأوتار صدري أشقى نوتات الحسوفه
,
,
وان وقف فيها الشموخ يتوه لينه سيدي = صارم بقولة أحبك ناعم بمخرج حروفه
,
,
و ان جلس فيها تعبها كان خصره مسندي = كنت أنام و كنت أنا من كنت أتوسد ردوفه
,
,
وين انا يابو فهد و المخطي يلزمه الهدي = أذبح عيوني سهر و اللا اطعم قليبي نزوفه
,
,
الألم و الآه و الونَّه رفايق مولدي = و التعب و الشوق و الذكرى بقايا من أشوفه
,
,
و الهوى مظلوم دايم و المحب المعتدي = و الزمان يقول منهو يعتدي يلقى كسوفه [/POEM]


غسان الحكيم
29-11-2007