رحلة المنفى!

[محمد السويحي]

الليل منفى ... وذاكرتي وطن راحلين
والوقت برزخ .. ووجهك قطعةٍ من عذاب

زرعني الوقت في طينتْك حزن وأنين
وعلقني الصد صوره في جدار الغياب

ياخذني الحزن من جو الفرح باصبعين
لامر طيفك على فكري عزيز الجناب

انا ..يالولاي انا.. يانقمة العاشقين
ماكان لك في تفاصيل الغرام انتساب

وانتي يالولاك.. يامعزوفة الصابرين
ماكان لي في سما اللوعه ذهاب وإياب

ماقلت لك عمر ذاكرتي مئات السنين ؟
وماقلتي ان الأماني غيث وانتي سحاب ؟

هذا... انا والزمان ...(نمرّ) .. بالعابرين !
ويدين غيبتك عاثت في الضلوع احتطاب

على رصيف الأمل يمكن تجين أو تجين
ابرر الانتظار وشمع الاعذار ذاب !

مدري نساك الوله..! ؟ والا نسيت الحنين..! ؟
مدري.. ! لكن الغريب يهزه الإغتراب

وانتي غيابك خذا من ليل* الاشجان لين
كسىا متون الصباح.... اللي غشاها الضباب

* مااقساك* يارحلة المنفى على النازحين
سكتك ديجور واهوال وبحور وعباب

مواصلك غيّ في عين الذهين الفطين
والعوده اذلال في عين الشجيع المهاب

* وين انت (يارحمة) ...(الحكمه) على العاقلين ؟
ماعاد باقي لوجه النور فرصة عتاب !

* والليل منفى وذاكرتي وطن راحلين
والوقت و* انتي ووجهك قطعةٍ من عذاب

محمدالسويحي