عاقر [حنيني] .!

[صالح بن فارس]

كل عام والجميع بألف خير

...

..

.




فلسفيه .. [عتابك] ..ولو كان فيني
فلس فيه أولى وما راح ..لغريب


اخلفي أوفا لقاك .. وواعديني ؛؛
كثر ما اْبعد عنك [قلبي] لك قريب


قسوتك دايم على الرّاحه تجيني
وراحتك أحيان لقساتي تجيب


كان بشروقك غروب بيلتقيني؟!
فـآنا أول وصل بشفاهك يغيب !


إنتي المكتوب ما شافه [جبيني] .!
وآنا مكتوبي على [جبينك] حبيب !


لو ولد لك شوق من عاقر [حنيني]
أو مرض من وصفته حتى الطبيب !


ما يموت الحلم ما بيني وبيني
لو أعيش بـواقع [البعد] الكئيب


لك غلا يجتاح باحساسه يديني
ما تكسر شمسه آفاق المغيب


صغر سنك يطعن الكبر بسنيني
وانا [نزفي] طفل من عرق المشيب


ذبلت أشواقي على راحة يميني
كلما مديتها لك/ لي تخيب

نظرتك لبعيد ،،

وانتي [وسط] عيني!!

قاسيه نظرتك ما تلمح [قريب] ..!

 

[فهد الغبين]

فل : سفيه إع : تابك


يالله ما أجمل هذا الحرف وصاحبة ..به مرني الفرح فشكرا لك بك يا مجرم

متابع لهذا النزف العزف

 

[وليد الفالح]

صح لسانك ياصالح

 

[عبدالعزيز العميري]

صالح

كان الشعر
هنا يتحدث عن الجمال

 

[تفاصيل منسيه]

صالح بن فارس
و
قصيدة جميله وأكثر
فــ صح لسانك ودام قلمك
أيها الشاعر
تقبل مروري
دمت بود

 

[عبدالإله المالك]

الشاعر صالح بن فارس

جميل هذا البوح

دمت بود وعلى خير

 

[صالح بن فارس]

المشاركة الأصلية كتبت بواسطة فهد الغبين

فل : سفيه إع : تابك


يالله ما أجمل هذا الحرف وصاحبة ..به مرني الفرح فشكرا لك بك يا مجرم

متابع لهذا النزف العزف

المميز فهد الغبين

وشهادة أعتز بها ..

شكرا أيه الكريم ؛؛

 

[أمجاد محمد]

جميل حرفك ومرهف احساسك
خطفتني من عآلمي حتى عآلمك
شكراً لكل هذا الرقي