زارني طيفك

[محمد المري]

السلام عليكم ورحمة الله وبركاته

قصيده حبيت أشارك معكم فيها وأرجوا أن تحوز على رضاكم

[poem=font="Tahoma,4,white,normal,normal" bkcolor="transparent" bkimage="" border="none,4,white" type=2 line=0 align=center use=ex num="0,black""] زارني طيفك وأنا فـ عز المنام=وفز لك قلبي وورد لك قوام مرحبا بك يا هلا يا نور عيني=عد ما هلت مزونٍ من غمام همس صوتك يوم ناداني محمد=قلت لك لبـيه وأسمع بإنسجام كن حسك يوم يهمس لي وينادي= صوت قمري غرّد بشوق وغرام يشعف اللي مشتحن إلشوف خلّه=ودّه بشوفه بعد مدّة حيام وين وينك يا خويّ الدرب وينك= شاقني مسرى على جنح الظلام ليل (ن)أظلم ما تشوف إلاّ نجومه=والقمر غايب ورى روس العدام لديرة أحبابي وربعي والجماعة=ديرة اللي من زبنها ما يضام دار بو متعب ودار أخوان نوره=هم هل العوجآ وهم نسل الإمام اللي وحدها على خيل وركايب=بصادق الشلفآ وسابقها الهذام حط كف بكف مع كل القبايل=وأعتلى بالمملكة فوق السنام حارب أعدا الدين والقصد الشريعه=لين خلاّ المملكه فـ أمن وسلام له ثمان عقود من يوم إبتداها=وأثبت التاريخ عام(ن) بعد عام همّلوا توقيت لندن وأحقروها=وأعتلى توقيت مكـّــه ثم حام والعلم خفـّاق رفـرف يا علمها=ما بعد نكّـس مثل راس النعام قوم يا هادي وجهّز للإجازه=ستة أيام(ن)وزوّدها بـ زام فوق لكسز ما بعد ورد مثيله=صنع مخصص ولونه كالجهام وأشتريته يالعقيد بـ حرْ مالك=والدراهم كاش ما جات بـ حرام من بعدها مركز الخفجي تنصـّه=وخلص إجراءاتنا حسب النظام ولا وصلت لشيشة العفنان وقف=وعب به بترول ولا تبدي إهتمام لنـّه مشيك قبل لا يخرجونه=والوكيل موقـّع(ن) فيه إستلام وحوّل الدكان وأشتر ما بدى لك=ولا تكثـّر حلف ولا تكثر كلام الدراهم واجده والحمد لله=والخوي ملزوم يبدي الإلتزام ودوّر الطاره وخل العود يسري=وعطه مطلوبه ولا تشدّ اللجام وأحذف الغترة على الكشنات خلفك=وأرفع حجاجك وزوّده إبتسام وأن بغيت أرفع على صوت المسجل=خل أبو نوره يغني يا حمام وخفف السرعه إليا جينا مشارف=دار إبن جبرين وربوعٍ حشام النعيريه بعد ما هي خرابه=أصبحت ملفى العرب شرق(ن) وشام وأصبحت منصآ ومَعلَم للسياحه=وفي الربيع تشوف أنواع الخيام ولا تعدّيت النعيريه تركـّد= بتدخل ديار إتعلاّ في المقام أهلها لا أقبل عليهم من زبنهم=يبشر بعزّه ويشدّ إبـهم حزام كم عقيدٍ ثيلوا به في المغازي=يشهد التاريخ من عصر الحسام ربعي اللي لا إعتزيت بصوت عالي=جاتك جموع إتنكس يام يام ولا وصلنا الجسر يامن ثم حول=للسريع اللي مباريته سيـام أربع خطوط إتبارآ وتخالف=كنـّها تدعيك هيـّا للأمام لين توصل ديرةٍ فديت أهلها=طر جيبي ويل ويلي ولا ألام الرياض اللي لمى عاشت وسطها=أشهد أنها زادته بدر التمام ولو توجهت المشارق والمغارب=شبر شبر وطول عرض وبإغتنام ما لقيت اللي شبيهك في عيوني=يا وسامي يا حلا وأجمل وسام يا وسام معلقه في وسط قلبي=وحافظك وسطه ومن تحت العظام جيت كلي تحت أمرك من بلادي=جيت بشواقي يا شوق ومرام عادني باخذ علومك يوم جيتك=وأنظر شفاهك وهي تحت اللثام ما وعيت إلا المنبه قام يرقع=ودقت الساعه تنبـّه للدوام ليت وليت وليتها قصه حقيقه=ولا غدت لي حلم في عز المنام [/poem] .