السلام عليكم ورحمة الله وبركاته
متواضعه بدون مقدمات
وليتها تكوّن على ذائقتكم مسامات
لا يخدعنك من ترجّل وجالك
.................................. بعض الاوادم بيننا مالهم بين
بعض الرجال اتموت باطراف شالك
............................................ والبعض ما شالك لو يشوف تحيين
من طين لازب لو خلقنا في بالك
....................................... نفوسنا ماهي يا حوا من الطين
نحكم ذنوب النفس والنا ممالك
...................................... فيها الصبر والعزم نهرين جارين
والنا جنون الفكر يرقى ولالك
..................................... والنا سلالم مجد والنا مجارين
خاجه ولو تدرين عارف قبالك
.................................... واجب بركتك من رجوله تشلين
شفتي الطموح اللي ورا شمس فالك !؟
............................................. شفتي الغموض اللي يجي من تصليّن !؟
شفتي المدى بكبره هموم فخيالك !؟
.............................................. شفتي جنود مهاجره في فدى الدين !؟
شفتي الصبح حالك !! أجل كيف حالك ؟؟
................................................. أبغي حكم دوله بحرر فلسطين
يالمترفه قصدي بحرر مسا لك
...................................... فيها يرد الضال .. والظالم يبين
وفيها يشوف الحق ظالمه هالك
....................................... وفيها يشوف الورد عري البساتين
وفيها يحس الشوك هالكون هالك
....................................... وفيها يحس بدفىء انسان مسكين
وفيها تكوني دون عمك وخالك
..................................... وفيها يرد الشوف .. الشوف للعين
يا بنت مالك ثم مالك .. ومالك
.................................... يحرس جهنم لا بغيتي تطلعين
لو السهر والعشق والشعر طالك
...................................... عز الله انك في خساره تعيشين
دمتم بود
آخر المشاركات
03-26-2010, 12:42 AM
أبغي حكم دوله .. بحرر فلسطين !!
العرض الشجري