لحظاتي العفويه

[محمد عوده البلوي]

السلام عليكم ورحمة الله وبركاته







اسعد الله مسائكم وجميع اوقاتكم بكل خير





متواضعه اتمنى ان تسجل لي بينكم حضور



.



.

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

في متاهة حيره أدوْر وعصاتي حيّه=تبدي السم الذحاح وتختزل ترياقه
ذي عقوبة ذنبي اللي ما جنته إيديّه=واجهتني لأنك اللي مالي إلا إفراقه
واحترق في نار تقصير اختلقها فيّه=لأني آنا العاشق اللي يوفي بميثاقه
ويش أقول لهقوتك وأحلامك الورديّه=والمعاذير استحت من روحك الصداقه
وآنا قلبي ما يريحني وقلبك زيّه=حتى وأنتي كابته مشاعرِك بأعماقه
لو تقولين أنت وافي .. لا تعذّر ليّه=خابر انك للمواجه واللقاء توّاقه
المحبه بيّنه والشوق ناره حيّه=حتى لو غاب الأمل عنّا وفات إشراقه
لا تحسبين الليال الماضيه منسيّه=شاعِرك لو مات قلبه ما تموت أوراقه
أذْكرِك وأتخيّلِك على بياض النيّه=عاصمة حلم أنتها عمره وحان إحراقه
وأتذكّر كل نظرة إلفه وحنيّه=واذكر الأنفاس والإحساس واستنطاقه
والسوالف والشّعر والضحكه السحريّه=والسهر لا خيّم الليل وجمع عشاقه
كلها تطري عليْ وأحسّها عطريّه=واجلس اجمعها بكف الشوق باقه باقه
ما نسيتك واسألي لحظاتي العفويّه=ويش اغني والأماكن كلها مشتاقه
وإن تلهى ساري الليل وغفل عن ضيّه=يذكره من منطلق عرفان ولاّ فاقه [/poem]

.

.

تحياتي