العمـر رحـله !!

[سعود العواجي]

عذرا ً للغياب ،،

قصيده مهداه لطهر قلوبكم لعلها تشفع عن الغياب ،،

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
العمر رحله والصبر يعد نـوع مـن الجهـاد=واليأس عن تحقيق حلم يراودك .. قلة وعي !
والآدمي مهما وضع خطـه لتحقيـق المـراد=مافيـه حلـم يحققـه إلا بمجهـود وسعـي
وانا تركت الحلم يغلي فـوق نيـران الفـؤاد=وليا طفى!حطبت من صدري وشبيت أضلعـي
وقفت من بين التعاسه والفرح موقـف حيـاد=وإلا الزمن ماهوب لاضدي ولا واقـف معـي
على غرار الجرح وسنين الشقا والاضطهـاد=حاولت لكن ماقدرت القـى مكـان لموضعـي
كم لي وانا اتابع مسار الريح وأحرث الرمـاد=واضيق لامنه تفجر وسط همـي ... منبعـي
الحلم لامنه لبس بعـد الامـل ثـوب الحـداد=ماتستفيد العين لو تكثر على الحلم ..النعي !
واذا ان صوتي عند غيري ماله ايـة أمتـداد=يكفي ليا منـه هجـر فمـي ولاذ بمسمعـي
الشعر عندي مثل ليله مـن ليالـي شهـرزاد=رغم انه اذنب في بعض فكري وكّدر مضجعي
وانا ليا مني اعتبرته نـزوه وكبـوة جـواد=يطري علي اسلوب "ابو الطيب" وفكر "الاصمعي"
كذا تمرسّت الادب والفضـل مـن رب العبـاد=اللي وهبني اجعلـه خاتـم يـدور باصبعـي
وماعمر شعري انخدم من كبر اسمي ..والوكاد=اني بري من تهمة الحاقـد وممـا يدعـي !
تركت مبدأ : من يخاف الشمس ينعّم بالبـراد=واخذت مبدأ : مايقول الرجل شـي إلا يعـي
ان الطموح احيان يقتله التغطـرس والعنـاد=باالذات لامن قابله رجال بـه قلـة وعـي ! [/poem]

اخوك / سعود العواجي