حــــــــــلــم الضــــــحايا

[عواد سحل]

[poem="font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=1 align=center use=sp num="0,black""]والله بدينا لعبة البعد والقرب=الهرج واجد والفعايل خلايا
بقلوبنا مليون طعنة من الغرب=بصدورنا آهات حلم الضحايا
كم ليلةٍ تلبس لنا ثيابها الجرب=تعكس معالم ذلنا بالمرايا
كم طفلٍ بغداد يشكي من الكرب=كم طفلٍ بغزه يذوق المنايا
وحنا ولاكنا مشينا مع الدرب=اللي سيوفه تنغرز بالحنايا
بعيوننا دمعه صرخت آه ياعُرب=ستين عامٍ مافهمنا النوايا
بفواهنا استنكار مايمنع الضرب=(عن ارض تشكي من انين السبايا)
وبيديننا نمنع عن حلوقنا الشرب=ونبل ريق اعدائنا بالهدايا
حتى ثقافتنا غدت بآخر السرب=ماهمنا الا كاس . رقص . وبغايا
بالأمس كنا نسيّر السلم والحرب=واليوم صرنا نستتر بالعرايا
فلتسقط امريكا مثل سقطت الصرب=بأيماننا نقدر نسوي سوايا [/poem]