:: إذا أنـــفـــرط وجـــه الـحـــيـــاااا ::

[بدر الحنيف]

:::



أسعد الله اوقاتكم بكل خير ،،

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الشعر ووجيه الرجال ومنطق الفكر الرزين=الله يسوّد وجه ... ما ياف الرجال حقوقها

يا الله دخيلك من حديث النفس وأبليس اللعين=دام العقل نعمه وبـ عقول الرجال فروقها

وانا رجل قبل الشعر أعين طيب .. وأستعين=ما راس مالي بالشعر لامن عرض محوقها

من قبل لأقبل للشعر محد ٍ نظر لي بـنص عين=وجيته ولا شافت عيوني غير شي يلوقها

ما ضاف لي حاجه ولا عيّنت منه الأسودين=ما غير يا سلطان نفسي منه كثر حروقها

قـوم اتحّـفاني سلام ٍ حار والملقى الحسين=وانا ادري ان بـ وقفتي يفور دم عروقها

قدام عيني تفتخر بي والخفايا بين .. بين=ولو المنـيّـه .. بيد واحدهم عليّ يسوقها

دامي جبل قدامهم لا يذخرون القوتين=واثق بحالي وأعرف السكه وأدل اطروقها

"عـووذه" .. من أفواه الغبا .. والعالم المتلونين=بـ متونها بشت ٍ مـبيّـن للعيون .. افتوقها

يا ليتني ما صرت شاعر حين أجي المستشعرين=قوم ٍ تنفخ بالهياط وبـ العلوم شدوقها

اكره هنا حالي واقول الله يعين الصابرين=بمزون ماصبت مطر لكن تلوح ابروقها

عموا على الشعار والشعر الاصيل .. المارجين=أللي ضمايرهم من الحقد اللعين خروقها

يا كثرهم شعار لكن تفقد الفكر الرزين=أللي يلامس ذوق طرحه للحشام وذوقها

مثل المرض وجودهم والدااء نقل الكلمتين=بالعالم اللاهين والمقفين كثر طقوقها

خزعبلات الشعر ما تظفر بفكر الراشدين=من تعطي المقدار للحيّه حسب منطوقها

خصيم نفسه كل عاقل لا وصله وجهتين=وألا المعاني .. تاجد النقاد لاجت سوقها

على الشعر وجودهم يشبه كلبشات الروتين=مدري البلا بقلوبها .. والا البلا بحلوقها

فـ أذا انفرط وجه الحيا .. ولا عرق سطح الجبين=هنا تأكد ضيعت الطاسه بّيد مطفوقها

ينعاف شعر ٍ يجمع السربوت والرجل الرزين=في مستوى واحد واحكام العرافه فوقها

للشعر ووجيه الرجال .. ومنهج الطرح الثمين=الطيب يبقى من يوفي للرجال حقوقها[/poem]

أحـــــتــــرااااامي للــجــــمـــيـــع









،،